謝安琪麥浚龍不和升級？傳Kay唔減肥惹廣告商不滿 連累公司損失7位數收入

謝安琪（Kay）近日同麥浚龍（Juno）傳出不和傳聞，有指佢unfollow對方IG，再有報道稱阿Kay獲邀請代言收身產品，但因為遲遲未減到肥令廣告商不滿，最終連累公司損失7位數收入，更間接令僱員被炒。

謝安琪（Kay）簽約麥浚龍（Juno）旗下，合作近3年。但近期卻傳出兩人不和消息。

Photo from 幻·國文化娛樂有限公司

首先阿Kay喺演唱會上率先唱新歌未有知會Juno，有被侵權風險，Juno向所有受影響人士致歉，並指阿Kay今次一時大意。後來有人發現阿Kay竟然unfollow咗Juno Instagram，不和傳聞越傳越烈。

Photo from 幻·國文化娛樂有限公司

不過阿Kay之後解釋IG賬戶由團隊代為處理，對unfollow一事並不知情，其後亦再follow返Juno。

Photo from 謝安琪IG

最近有報道指謝安琪得罪廣告商，事源年初有廣告商邀請佢做收身代言人，但遲遲未能成功減肥，仲搵埋健身教練操肌。

Photo from 謝安琪IG

阿Kay無用到收身產品，收身未見成果，拍攝廣告亦唔夠說服力，要推遲廣告拍攝，令到品牌相當不滿，最終合作中止。

Photo from 謝安琪IG

阿Kay今次令公司損失7位數字代言收入，更連累廣告方Marketing team被炒！

Photo from 謝安琪IG

謝安琪發言人承認因為疫情同種種原因，阿Kay同纖體廣告嘅停止合作。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）