download HolidaySmart 假期日常 app
李棟旭送咖啡車應援孔劉唔領情:佢真係好似狐狸

李棟旭送咖啡車應援孔劉唔領情:佢真係好似狐狸

娛樂新聞
By Ella on 27 Nov 2020
Digital Content Writer

孔劉早前作客劉在錫、曹世鎬嘅節目《劉 QUIZ ON THE BLOCK》,同孔劉感情好好嘅李棟旭送咖啡車應援,點知孔劉唔領情之餘仲串返佢!另外,孔劉仲喺節目度話自己唔係女仔鍾意嘅類型?!

孔劉早前作客劉在錫、曹世鎬嘅節目《劉 QUIZ ON THE BLOCK》。Photo from youquizontheblock@IG

孔劉早前因為宣傳同朴寶劍主演嘅新戲《複製人徐福》而作客《劉 QUIZ ON THE BLOCK》。喺節目中,劉在錫話「聽人講孔劉好易嬲」,孔劉笑住問「邊個講?」劉在錫即刻搞笑地問孔劉係咪嬲咗,其後劉在錫問曹世鎬有冇喺李棟旭度聽過啲咩,孔劉一聽即刻話「係咪李棟旭講㗎」,場面搞笑。

孔劉早前因為宣傳同朴寶劍主演嘅新戲《複製人徐福》而作客《劉 QUIZ ON THE BLOCK》。Photo from youquizontheblock@IG

Photo from youquizontheblock@IG

劉在錫問曹世鎬有冇喺李棟旭度聽過啲咩,孔劉一聽即刻話「係咪李棟旭講㗎」,場面搞笑。Photo from tvN D ENT@YouTube

之後三人講到李棟旭送咗咖啡車應援孔劉,孔劉就表示唔明佢送嚟做咩,仲串李棟旭係一個好精明嘅朋友,佢咁樣做係「一箭三鵰」,因為李棟旭同曹世鎬、劉在錫都係好朋友,咁樣就可以順便一次過送晒畀三人,孔劉最後仲串李棟旭「真係好似狐狸」!

李棟旭送咖啡車應援孔劉,仲撒嬌地話「我們阿怪拜託你們了」~Photo from youquizontheblock@IG

李棟旭仲藉機宣傳自己嘅戲,寫道「愛你們的九尾狐上」~Photo from youquizontheblock@IG

Photo from tvN D ENT@YouTube

其實孔劉咁講都係故意幫李棟旭宣傳《九尾狐傳》,佢哋真係好 sweet 啊~

其實孔劉咁講都係故意幫李棟旭宣傳《九尾狐傳》~Photo from tvN D ENT@YouTube

另外,喺節目中,孔劉仲表示自己唔係女仔鍾意嘅類型,因為自己喺愛情面前並唔係果斷同有勇氣嘅人。呢句說話一出即刻引起粉絲議論,粉絲紛紛表示我哋唔係女人?仲話「孔劉是不是對自己有甚麼誤會」,非常搞笑。

孔劉表示自己唔係女仔鍾意嘅類型,因為自己喺愛情面前並唔係果斷同有勇氣嘅人。Photo from youquizontheblock@IG

孔劉實在係太謙虛了,你唔止係女人鍾意嘅類型,連男人都話你型!

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel