download HolidaySmart 假期日常 app
迪士尼 X 彼思《反斗奇兵》25週年大派對!全港首個巨型「三眼仔火箭」夾夾機/勞蘇房  今年必到打卡熱點~

迪士尼 X 彼思《反斗奇兵》25週年大派對!全港首個巨型「三眼仔火箭」夾夾機/勞蘇房  今年必到打卡熱點~

商場好去處
By Celia on 27 Nov 2020
Digital Editor

今年係迪士尼動畫《反斗奇兵》25 週年,將軍澳東港城今年就以「反斗夢幻嘉年華」作為主題,場內唔止設有一眾《反斗奇兵》角色外,仲有《怪獸公司》嘅大型 Figure,當中包括「 7 米高超巨型雙層旋轉玩具樂園」、全港首見「抱抱巨型毛茸茸勞蘇房」、巨型遊戲區「三眼仔火箭」造型巨型夾夾機,以及「翠絲牛仔帽大作戰」,仲有「小叉甜品屋」,粉絲們記得去打卡喇!

由即日起至 2021 年 1 月 3 日,胡迪同《反斗奇兵》一眾老友首次與《怪獸公司》嘅一眾主角齊齊現身東港城嘉年華樂園,當中包括「7米高超巨型雙層旋轉玩具樂園」,360度打造多個 Kidult 大愛嘅打卡位,大家仲可以投進全港首個「抱抱巨型毛茸茸勞蘇房」添呀!

7米高超巨型雙層旋轉玩具樂園

抱抱巨型毛茸茸勞蘇房

至於自認身手了得嘅大定就可以喺兩個大巨型遊戲區一展身手,當中包括「三眼仔火箭」造型嘅巨型夾夾機,以及「翠絲牛仔帽大作戰」,贏取限量主題精品。

「三眼仔火箭」造型嘅巨型夾夾機

加油呀!

翠絲牛仔帽大作戰

除咗有《反斗奇兵》之外,今年仲加入人氣爆燈嘅《怪獸公司》一眾主角,佢哋變晒大型搞笑 Figure 喺場內唔同角落同大家打卡,粉絲們記得唔好錯過喇!

人氣爆燈嘅《怪獸公司》一眾主角變晒大型搞笑 Figure 喺場內唔同角落同大家打卡

另外,樂園內更設有期間主題限定店,多款獨家限定精品將全港首度發售,讓您一擁心愛角色回家!開心派對當然不可錯過「小叉甜品屋」,讓大家親嚐一系列香甜可口嘅限定主題甜點,共享甜蜜時光!

多款獨家限定精品將全港首度發售

香甜可口嘅限定主題甜點

提提大家,只要成為 The Point by SHKP 會員,喺推廣期內以指定積分,即可免費預留及參加親子聖誕飾品工作坊,製作獨一無二嘅《怪獸公司》Awesome 掛飾或 DIY 心愛小叉;此外,以指定積分更可換領限量版小叉型格摺疊環保袋、暖笠笠阿得與賓尼毛毛拖鞋或軟綿綿毛毛抱枕咕?(數量有限,換完即止),與一眾動畫角色共度每一刻!

《怪獸公司》Awesome 掛飾

限量版小叉型格摺疊環保袋、暖笠笠阿得與賓尼毛毛拖鞋或軟綿綿毛毛抱枕咕?

東港城「反斗夢幻嘉年華」
日期: 2020年11月13日至2021年1月3日
地點: 東港城一樓展覽場(港鐵坑口站A1出口)
時間: 上午10時至下午10時

「反斗夢幻嘉年華」期間限定店
日期: 2020年11月13日至2021年1月3日
地點: 東港城一樓展覽場
時間: 下午12時30分至下午8時 (星期一至四)
下午12時至下午9時 (星期五至日)

小叉甜品屋
日期: 2020年11月13日至2021年1月3日
地點: 東港城一樓展覽場
時間: 下午12時30分至下午8時 (星期一至四)
下午12時至下午9時 (星期五至日)

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel