download HolidaySmart 假期日常 app
周星馳與粉絲對答全是金句!網民:真人都咁幽默!「好似睇緊星爺嘅電影對白」

周星馳與粉絲對答全是金句!網民:真人都咁幽默!「好似睇緊星爺嘅電影對白」

生活熱話 娛樂新聞
By Jennifer on 27 Nov 2020
Digital Editor

周星馳近日罕有於香港現身,佢因被前女友于文鳳追討佣金喺高等法院作供,吸引唔少星爺粉絲「追星」。而星爺同fans嘅對話句句都係金句,網民睇完都表示星爺平時講嘢都好似睇緊佢啲電影咁。

周星馳被前女友于文鳳追討超過$7000萬佣金,星爺近日都喺香港高等法院現身,除咗有大批傳媒外,仲有唔少星爺fans特登旁聽「追星」。

周星馳被前女友于文鳳追討超過7000萬佣金,星爺近日都喺香港高等法院現身Photo from Pinterest

喺休庭期間,一位女粉絲問星爺:「你認唔認得我呀?」,星爺回答:「化咗灰都認得你啦!」

一位女粉絲問星爺:「你認唔認得我呀?」,星爺回答:「化咗灰都認得你啦!」

又有「00後」fans問星爺攞簽名:「我好中意睇你啲戲!」又表示星爺咁多套電影最中意《長江7號》,星爺即反問「《長江7號》第一句對白係咩?」

有「00後」fans問星爺攞簽名:「我好中意睇你啲戲!」Photo from 《九品芝麻官》

忠實粉絲可能太緊張,竟然答唔出,幽默嘅星爺即刻話「攞返個簽名嚟!」

同場亦有內地fans,星爺疑惑:「依家唔係封緊關㗎咩?」

同場亦有內地fans,星爺疑惑:「依家唔係封緊關㗎咩?」Photo from Pinterest

亦有fans送上口罩畀星爺換,星爺笑言:「乜我依家個口罩唔靚咩?」

網民紛紛表示周星馳同fans啲對話好似現場睇緊星爺嘅電影咁!指星爺「戲如人生」,又大讚佢轉數快,對答幽默,果然係一代笑匠~

網民紛紛表示周星馳同fans啲對話好似現場睇緊星爺嘅電影咁Photo from Pinterest

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel