download HolidaySmart 假期日常 app
花姐曾被《勁歌金曲》監製當眾鬧爆後憤而辭職!做節目壓力大:傷害咗好多人

花姐曾被《勁歌金曲》監製當眾鬧爆後憤而辭職!做節目壓力大:傷害咗好多人

生活熱話 娛樂新聞
By Jennifer on 30 Nov 2020
Digital Editor

全民造星》嘅監製「花姐」黃慧君參與港台節目《音樂說》時就透露之前喺TVB做導演時嘅往事,指當時被《勁歌金曲》監製當眾鬧爆感受辱後辭職。又大談做節目嘅心境,表示都有壓力,因為傷害咗好多人。

ViuTV節目《全民造星》嚟到做咗三季,唔止成功捧起MIRROR、ERROR,第三季播出後亦引起討論熱潮,幕後功臣「花姐」實在功不可沒。

《全民造星》幕後功臣「花姐」實在功不可沒Photo from 花姐IG

佢上港台節目《音樂說》時提到《全民造星》,表示一開始只係諗住做一個節目,後來被Jer(柳應廷)感動到,因為當時佢第一Round就被叮走,忍唔住喊咗,而花姐見到就覺得好唔開心,覺得個節目聲稱要幫人完成夢想,但其實係粉碎咗人哋個夢想:「我好唔開心,個節目某程度上都摧毀咗一啲年輕人。」

花姐上港台節目《音樂說》時提到《全民造星》,Photo from RTHK 香港電台

花姐回顧電視圈嘅工作經歷,佢1992年入行,由助理編導(PA)做起,慢慢升做導演。花姐指最感到挫折、失敗嘅階段,就係喺《勁歌金曲》做導演嘅時候。

花姐回顧電視圈嘅工作經歷,指最感到挫折、失敗嘅階段,就係喺《勁歌金曲》做導演嘅時候。Photo from RTHK 香港電台

加入節目幾年,同事都相當信任佢,直到節目轉咗監製,花姐同監製對樂壇同節目嘅睇法唔同,花姐更曾被當眾鬧爆:「你做唔到嘢!你諗法唔得!唔好得得戚戚、招招積積!」

節目轉咗監製,花姐同監製對樂壇同節目嘅睇法唔同,花姐更曾被當眾鬧爆Photo from RTHK 香港電台

性格倔強嘅花姐感被羞辱,決定辭職,佢更一度懷疑自己嘅工作能力,甚至諗過放棄。花姐表示當時自己嘅性格有啲缺憾,用溫柔啲、理性啲嘅方法溝通,可能事情就會完全唔一樣。

花姐表示當時自己嘅性格有啲缺憾Photo from RTHK 香港電台

轉到去ViuTV終於做出咁成功嘅節目,花姐嘅「毒舌點評」絕對係其中一個看點。不過花姐指每次開新一季節目都感到有壓力,表示自己「真係傷害咗好多人。」

ViuTV《全民造星》咁成功,花姐嘅「毒舌點評」絕對係其中一個看點Photo from 《全民造星3》

花姐話為咗節目效果,佢作為監製,對參賽者嘅評價都非常狠,但當節目播出後,其實一定對參賽者有好大影響。

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel