download HolidaySmart 假期日常 app
澳門倫敦人酒店預計明年開幕 碧咸設計套房、大笨鐘地標

澳門倫敦人酒店預計明年開幕 碧咸設計套房、大笨鐘地標

旅遊攻略 Hotel酒店推薦 澳門旅遊
By Ella on 30 Nov 2020
Digital Content Writer

澳門倫敦人酒店由金沙城中心改建而成,以英國倫敦為設計主題,預計明年開幕。今次酒店仲搵嚟碧咸(David Beckham)做品牌大使,親自參與設計頂層「碧咸套房」,夠晒吸引啊~

澳門倫敦人酒店由金沙城中心改建而成,以英國倫敦為設計主題,預計明年開幕。Photo from 澳門倫敦人酒店官網

澳門倫敦人酒店外觀以英國西敏宮(Palace of Westminster)及國會大廈(House of Parliament)為設計藍圖,仲有 96 米高嘅伊莉莎白塔(大笨鐘)做地標,鐘面更加係按原物建造,令你瞬間置身英國,絕對係打卡必影!

澳門倫敦人酒店外觀以英國西敏宮(Palace of Westminster)及國會大廈(House of Parliament)為設計藍圖。Photo from 澳門倫敦人酒店官網

有 96 米高嘅伊莉莎白塔(大笨鐘)做地標,鐘面更加係按原物建造。Photo from 澳門倫敦人酒店官網

酒店大堂設計以白色為主調,係英國維多利亞建築風格,非常高貴奢華。

酒店大堂設計以白色為主調,係英國維多利亞建築風格。Photo from 澳門倫敦人酒店官網

設計高貴奢華。Photo from 澳門倫敦人酒店官網

Photo from 澳門倫敦人酒店官網

酒店套房設計高貴時尚,碧咸更親自參與設計佔地兩層嘅頂層套房,創造「碧咸套房」,將自己鍾意嘅倫敦元素加入設計當中。

酒店套房設計高貴時尚。Photo from 澳門倫敦人酒店官網

Photo from 澳門倫敦人酒店官網

Photo from 澳門倫敦人酒店官網

酒店設施完善,有多種娛樂設施,包括虛擬實境體驗,仲可以欣賞到英式主題街頭表演,連著名嘅衛兵交接儀式都可以喺澳門睇到!每日仲有大巡遊,可以見到莎士比亞戲劇中著名嘅角色。另外仲有購物中心,將會有超過 200 間商店進駐,方便旅客大買特買~

仲會有購物中心,將會有超過 200 間商店進駐。Photo from 澳門倫敦人酒店官網

Photo from 澳門倫敦人酒店官網

另外,酒店薈萃各國美食,包括英國菜、中菜及葡國菜等,更有英國名廚戈登拉姆齊(Gordon Ramsay)主理嘅正宗英式酒吧進駐!酒吧提供各種美酒及小食,等旅客可以享受到地道英倫風味。

酒店薈萃各國美食,包括英國菜、中菜及葡國菜等。Photo from 澳門倫敦人酒店官網

英國名廚戈登拉姆齊(Gordon Ramsay)主理嘅正宗英式酒吧進駐!Photo from 澳門倫敦人酒店官網

酒店設計真係好靚啊!大家之後去澳門玩又有多個住宿選擇啦~

Photo from 澳門倫敦人酒店官網

澳門倫敦人酒店
地址:澳門路氹連貫公路

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel