download HolidaySmart 假期日常 app
【12 月星座運勢】白羊、金牛、雙子、巨蟹運程一覽!雙子座愛情運勢好旺?白羊座洗費好多?

【12 月星座運勢】白羊、金牛、雙子、巨蟹運程一覽!雙子座愛情運勢好旺?白羊座洗費好多?

生活熱話
By Ella on 02 Dec 2020
Digital Content Writer

12 月啦~淨返一個月就要迎接 2021 年了,到底自己 2020 年最後一個月嘅運勢如何?一齊睇吓 12 星座中白羊、金牛、雙子及巨蟹座嘅 12 月星座運勢一覽~

白羊座
白羊座嘅朋友今個月雖然工作運勢好好,不過如果遇到一啲唔熟悉或者驚自己完成唔到嘅事情時,你拒絕的話,咁就會錯失一個可能衍生出嚟嘅機會,可能會有啲可惜。金錢方面就要睇你點樣投資啦,因為年底要花錢嘅地方有好多,有可能會阻礙到你嘅投資規劃。客戶開拓運好好,可以花多啲時間同客戶相處,可能會有意外嘅財源。至於感情方面可能會有啲受挫,同別人相處時要多留意。

白羊座藝人代表——陳喬恩Photo from iam_joechen@IG

白羊座Photo from Pinterest

金牛座
金牛座嘅朋友要以一個平常心去面對 12 月。金錢方面,花費過多係必然嘅,不過都係用喺有用嘅地方,都係一啲必要嘅投資。工作上,自己提出嘅意見頗能受到尊重,工作上嘅人際關係會受到周圍嘅注意,喺交際場合會有好大嘅發揮。今個月嘅感情運勢比較平淡,可以多用幽默感去刺激彼此嘅火花。

金牛座藝人代表——湯洛雯Photo from roxannetong@IG

金牛座Photo from Pinterest

雙子座
雙子座嘅朋友喺 12 月生活中可能會遇到一啲唔如意,不過千萬唔好怨天尤人,而係要增值自己。12 月係一個好好嘅學習時機,如果有一啲進修或考試嘅諗法,不妨喺今個月試吓。工作上,今個月可能會有一啲轉工嘅機會,要活用自己嘅人際關係,對工作有好處。感情方面,愛情發展好旺,可以主動積極一啲,會帶來更好嘅結果。

雙子座藝人代表——佘詩曼Photo from charmaine_sheh@IG

雙子座Photo from Pinterest

巨蟹座
巨蟹座 12 月嘅運勢比較平均。工作方面,巨蟹座其實係有啲諗法,不過礙於執行似乎可能會唔太完整,所以就唔敢提出,咁樣其實有啲可惜,可以嘗試提出自己嘅諗法,得到嘅支持可能會比你想象中嘅多。金錢上,巨蟹座今個月嘅花費同平時冇咩分別,都係一啲必要嘅花費。感情運勢都幾理想,要好好經營感情,多啲利用假期時間,可能會得到愛情嘅滋潤。

巨蟹座藝人代表——郭羨妮Photo from sonijakk@IG

巨蟹座Photo from Pinterest

之後仲會有其他星座嘅 12 月運程,記住留意啦~

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel