download HolidaySmart 假期日常 app
【12 月星座運勢】獅子、處女、天秤、天蠍運程一覽!天秤座金錢愛情都唔錯?處女座感情出現問題?

【12 月星座運勢】獅子、處女、天秤、天蠍運程一覽!天秤座金錢愛情都唔錯?處女座感情出現問題?

生活熱話
By Ella on 03 Dec 2020
Digital Content Writer

眨下眼 2020 年淨返一個月,想知自己 12 月嘅星座運勢如何?今次輪到 12 星座中嘅獅子、處女、天秤及天蠍座嘅運程一覽!到底喺工作、感情及金錢方面嘅運勢如何呢?

獅子座
獅子座嘅朋友 12 月嘅問題集中喺感情及家庭上,多啲溝通會有助改善問題。假如係單身嘅獅子座,12 月嘅愛情運相當唔錯,多去一啲交際場合,可能會有意想不到嘅收穫。喺今個月,工作同金錢係互相輝映,付出一定會有所回報。而喺工作嘅人際關係上,需要收斂吓自己嘅脾氣,人與人之間需要互相體諒。金錢方面,今個月嘅投資運稍差,要多注意。

獅子座代表藝人——G.E.M.鄧紫棋Photo from gem0816@IG

獅子座Photo from Pinterest

處女座
處女座嘅朋友今個月喺金錢方面唔會有太大嘅收穫,而喺工作上,同別人溝通順利,同同事互相幫助會帶來好處。感情方面可能會出現一啲問題,因為兩人嘅相處已經冇咗新鮮感,所以要多留意。

處女座代表藝人——蔡依林Photo from jolin_cai@IG

處女座Photo from Pinterest

天秤座
天秤座嘅朋友今個月可能喺思考同溝通上都逃唔出自己既有嘅框框,可以嘗試多與人溝通或者閱讀,去搵一個新方向,喺工作上正正就係要咁樣幫助自己。另外,今個月嘅金錢運勢唔錯,要儲錢並唔困難。而愛情運勢都相當唔錯,只要大膽積極樂觀一啲,相信會有好好嘅結果。

天秤座代表藝人——古天樂Photo from kootinlok_louis@IG

天秤座Photo from Pinterest

天蠍座
天蠍座嘅朋友今個月要和顏悅色一啲,因為今個月好多同別人互動嘅機會,例如工作上嘅合作、個人交際上,以及感情溝通,呢啲都非常考驗天蠍座嘅耐性,所以要多注意。天蠍座今個月要以平常心去面對起伏,因為每當遇上唔好嘅事,可能緊接住嘅係一啲好事,所以要提醒自己寬心面對。金錢方面,花費稍微比較多,一啲吃喝玩樂嘅洗費要多多注意。

天蠍座代表藝人——蔡卓妍Photo from choisaaaa@IG

天蠍座Photo from Pinterest

之後仲會有其餘四個星座,記住留意啦!

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel