藏族靚仔紅到去日本　被稱「藏族金城武」拒入娛樂圈想做賽馬王子

最近內地有一個藏族美少年爆紅，被稱為「藏族金城武」，登上微博熱搜之餘，仲紅到去日本，連日本電視台都有報導，到底有幾靚仔？！

呢位藏族男孩名叫丁真，20 歲，係四川甘孜理塘縣人。某日一名攝影師無意影到走路微笑嘅丁真，片段上載到網上後，丁真瞬間爆紅，佢清澈嘅眼神，純真嘅笑容征服無數網民，網民更稱佢為「甜野男孩」，指佢野性與純真並存，實在係高度讚賞，「丁真」呢個名亦都立即登上微博熱搜，甚至連大陸外交部發言人華春瑩都發文介紹呢位藏族美少年。

Photo from 丁真微博

Photo from 丁真微博

丁真爆紅後，政府同企業都希望簽佢做代言人，而丁真就決定同國企簽約，做國企員工，仲成為家鄉四川嘅旅遊形象大使，拍攝咗「丁真的世界」旅遊宣傳片，為自己嘅家鄉代言。丁真此舉令人們對佢嘅好感度大升，爆紅嘅佢唔想入娛樂圈，只係想做「賽馬王子」，純樸簡單嘅夢想顯得更加珍貴難得。

Photo from 丁真微博

Photo from 丁真微博

Photo from 符號中國@YouTube

靚仔嘅丁真仲係一個孝順仔，佢成為國企員工之後每月都有固定收入，而佢收到第一份糧後做嘅事就係買禮物畀父母，為咗媽媽唔使冬天洗衫凍親隻手所以買咗洗衣機畀佢，仲買咗電瓶車畀爸爸，方便佢出行。丁真買禮物畀父母，粉絲就不停買禮物畀丁真，而呢啲禮物就係《三字經》、《千字文》等書籍，希望丁真好好學習。

Photo from 丁真微博

Photo from 符號中國@YouTube

丁真嘅爆紅唔單止局限於內地，連日本電視台都報導呢位藏族小鮮肉，實在係紅得非常誇張！

丁真冇加入娛樂圈，選擇繼續喺家鄉過住無拘無束嘅生活，雖然外貌係佢爆紅嘅原因，不過佢呢份純樸，呢份真，都值得讚賞。

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）