【麥玲玲2021生肖運程】率先預測牛年12生肖運程：龍、蛇、馬
之前著名玄學家麥玲玲師傅就同大家講咗牛、虎、兔 3 個生肖，今次輪到各位龍、蛇、馬嘅朋友仔喇！一齊嚟睇吓著師傅點有咩要大家注意嘅事，等大家可以有時間做足準備。
龍：
破太歲
吉星：太陰、唐符
凶星：貫索、勾神
屬龍嘅朋友，今年係輕微嘅犯太歲，依個叫破太歲，破係人際關係嘅破壞，今年對人要低調啲，相對上今年係容易講錯野得罪人。今年有太陰星、唐符星，依個係吉星嚟！太陰係女性嘅貴人星，有依個星嘅話，如果你做嘅生意係同女性士有關，例如美容、化妝、女士服裝嘅話，可以話係財源滾滾。而唐符對事業都有幫助
凶星嚟講今年有貫索星，貫索係一啲金錢嘅瓜葛，所以今年錢銀嘅嘢講清楚少少，容易因財失意。另外仲有勾神容易喉嚨唔舒服。喺今年嚟講，破太歲嘅年份，盡量唔好做咁中間人角色或者排難解紛嘅嘢喇。因為今年容易好心做壞事呀！最好戴一個屬雞嘅飾物，咁就可以逢凶化吉喇！
蛇：
吉星：國印、三台
凶星：官符、五鬼、天哭、指背
屬蛇嘅朋友，嚟到牛年相當唔錯喎！因為蛇同牛本身係好朋友嚟嘅，同太歲係好朋友自然合作多啲， 亦都會做喇嘢順遂啲嘅。今年有國印星，國印係化表權力嘅帥印，今年手執帥印，所以事業上係好嘅。另外仲有三台喎，三台係代表好似樓梯階咁，步步高陞，無論係感情運、財運今年都有進步嘅空間。
至於凶星方面，今年有官符，官符故名思義係代表住官非，今年小心文件合約方面嘅嘢，一有唔識記得請教專業人士。而「五鬼」依個星係代表疑神疑鬼，你唔信任對方，所以今年要溝通多啲喇！而天哭星加埋指背星，代表住容易畀人篤背脊，今年要小心啲人際關係方面嘅嘢喇～
馬：
害太歲
吉星：月德、玉堂
凶星：咸池桃花、小耗
屬馬嘅朋友，經歷咗老鼠年嘅沖太歲，原則上嚟到牛年係穩定少少同埋重新開始嘅年份，但今年仍然有少少嘅犯太歲，依個叫害太歲，害係遭人陷害嘅意思，今年必須要提防小人。
好在都有吉星照住，有月德星同玉堂星，月德係代表住貴人，而玉堂代表金玉滿堂，財運方面算係唔錯嘅。
但凶星方面有咸池桃花，依個係不穩定同虛幻嘅桃花，所謂「鏡中花 水中月」嘅年份，今年唔好對感情方面太投入住呀，因為今年嘅桃花有機會喺好短暫，但係結咗婚嘅朋友就唔好對人太熱情，有少少爛桃花。
至於小耗星係細嘅破財星嚟嘅，破吓歡喜財，做吓善事就得喇。今年最好就係佗一個老虎加一個百解，咁屬虎嘅朋友就自然平平安安喇！
↓畀大家重溫吓之前嘅生肖：
牛、虎、兔 :LINK
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
