「日本第一痛溫泉」每年超過 15 萬人造訪 浸 5 分鐘已經好痛?

「日本第一痛溫泉」每年超過 15 萬人造訪 浸 5 分鐘已經好痛?

旅遊攻略
ByElla on 07 Dec 2020 Digital Content Writer

好多人去日本旅行都好鍾意浸溫泉,舒服之餘有啲溫泉仲可以舒緩疲勞、美白護膚,不過以下呢個「日本第一痛溫泉」大家又夠唔夠膽試呢?

早前日本節目報導嘅蘆野溫泉位於栃木縣那須町,呢度嘅招牌就係藥草溫泉,而藥草溫泉又有分「那美溫泉」及「那岐溫泉」,「那美溫泉」可以治療虛症,「那岐溫泉」可以治療實症,而「那岐溫泉」更被稱為「日本第一痛溫泉」。

早前日本節目報導嘅蘆野溫泉位於栃木縣那須町,呢度嘅招牌就係藥草溫泉。
Photo from ashino_onsen@IG

「那美溫泉」可以治療虛症,「那岐溫泉」可以治療實症,而「那岐溫泉」更被稱為「日本第一痛溫泉」。
Photo from ashino_onsen@IG

「那岐溫泉」泉水係茶褐色,但其實呢個溫泉係常見嘅鹼性泉,只不過入面加咗多款藥材,包括桂皮、川芎、黃芩、蕃椒、黃柏、生薑、胡蘆巴、山梔子、當歸及陳皮,唔怪得泉水刺激性咁強啦,原來加咗生薑及蕃椒。「那岐溫泉」仲聲稱可以改善肩頸痠痛、高血壓及神經痛等症狀。

Photo from TBS《新・情報7daysニュースキャスター》

「那岐溫泉」泉水係茶褐色,但其實呢個溫泉係常見嘅鹼性泉。
Photo from TBS《新・情報7daysニュースキャスター》

溫泉加入咗多款藥材。
Photo from TBS《新・情報7daysニュースキャスター》

廣告
廣告

蘆野溫泉建議客人浸 5 分鐘後就起身休息 5 分鐘,重複 2 - 3 次,不過好多人連 5 分鐘都撐唔到,因為實在太痛啦!

好多人連 5 分鐘都撐唔到,因為實在太痛啦!
Photo from TBS《新・情報7daysニュースキャスター》

更有客人表示自己係為咗治療肩頸痠痛先嚟浸溫泉,不過就浸到下腹部好痛。

有客人表示自己係為咗治療肩頸痠痛先嚟浸溫泉。
Photo from TBS《新・情報7daysニュースキャスター》

Photo from TBS《新・情報7daysニュースキャスター》

睇嚟呢個「日本第一痛溫泉」真係唔講得笑,大家又夠唔夠膽試吓呢?

蘆野溫泉
地址:栃木縣那須郡那須町芦野 1461

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

Share to Facebook