download HolidaySmart 假期日常 app
【麥玲玲2021生肖運程】率先預測牛年12生肖運程:狗、豬、鼠

【麥玲玲2021生肖運程】率先預測牛年12生肖運程:狗、豬、鼠

生活熱話
By Celia on 09 Dec 2020
Digital Editor

之前就講咗牛、虎、兔、龍、蛇、馬、羊、猴、雞依 9 個生肖,今次嚟到最後3個喇!大家準備好記低有咩重點未呀!?一齊嚟聽吓著名玄學家麥玲玲師傅點講喇~
12生肖運運程: 肖牛肖猴肖雞肖馬肖虎肖兔肖羊肖龍肖蛇

著名玄學家麥玲玲師傅

狗:

刑太歲
吉星:天德、福星
凶星:捲舌、寡宿

狗

屬狗嘅朋友嚟到牛年一般般咋,因為原來狗同牛並唔係好朋友嚟,當中嘅關係我哋話刑太歲。刑即係互相刑克,今年雖然冇本命年或者相沖年變化咁大,但今年容易心情唔好同埋有啲小病小痛,咁所以傳統喜事沖喜係好嘅。今年最緊要保持心情開朗,今年有天德星、福星,天德係上天之德,係大啲貴人星嚟嘅,好在有人幫。福星都係代表住有少少幸運之財,喺投機投資方面靠吓靈感都會有啲錢返嚟。

凶星方面就有捲舌,是非口舌嘅星同埋寡宿星,寡宿係一個人瞓嘅意思,「男怕孤辰 女怕寡宿」 所以今年喺感情運度係代表住比較獨單。咁最好今年就佗一個兔仔嘅飾物,因為兔仔同狗係好朋友嚟,長期佗隻兔仔出街就自然平平安安喇!

豬:

吉星:驛馬
凶星:天狗、吊客、空芒

豬

屬豬嘅朋友嚟到牛年算係不過不失,因為今年無沖無合,就只有得驛馬星,驛馬依個星故名思義係代表住要走動,今年就記住幾個字「宜動不宜靜」,能夠走動出外係好嘅。驛馬依個星亦都代表住開拓海外嘅市場,做生意嘅朋友,不妨去多啲海外。

至於感情運方面,今年亦都係所謂嘅異地姻緣嘅機會比較高。喺玄學上,所謂嘅異地姻緣,就係你出差嘅時間或者去到外地,又或者人哋喺外地過嚟你嘅原居地,咁都係可以發展一段感情嘅。

今年出門期間,又唔係一定話好安全,因為天狗星、吊客星同空芒星喺入面,天狗同吊客係代表住一啲小嘅驚嚇同意外,所以出門之後記得購買旅遊保險,亦都係要小心財物方面嘅嘢,咁記自然平平安安喇!


鼠:

合太歲
吉星:文昌
凶星:陌越、病符

鼠

屬老鼠嘅朋友經歷咗本命年之後,嚟到牛年呢穩守少少,但今年合太歲喎!合太歲嘅年份有時同犯太歲都係差唔多,所以仍然係要小心翼翼嘅,尤其是舊年並冇辦過喜事嘅朋友,今年都係要小心,有時合太歲同犯太歲都係家宅運,老人家健康我哋要注意一下嘅。

今年亦都要保守啲喺財運方面,好彩都有文昌星照住,代表讀書考試進修係相當之唔錯。但喺健康運方面,我哋有陌越呀!陌越依個星係代表陌生嘅環境帶嚟嘅壓力,有依個星嘅話,我哋要提防一下容易失眠,瞓得唔好,加上病符星係代表傷風感冒比較多,建議多啲去一啲郊外地方做吓運動,咁就自然身心舒暢喇!


在 Instagram 查看這則貼文

JJ Lin(@jjlin)分享的貼文

12生肖就講晒喇,最後都要同大家講句風水命理嘅嘢信則有不信則無!

↓畀大家重溫吓之前嘅生肖:
牛、虎、兔:LINK
龍、蛇、馬:LINK
羊、猴、雞:LINK

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel