download HolidaySmart 假期日常 app
Angelababy當選「十大傑出新香港青年」!唯一入選演藝明星 提名人大有來頭

Angelababy當選「十大傑出新香港青年」!唯一入選演藝明星 提名人大有來頭

生活熱話 娛樂新聞
By Jennifer on 10 Dec 2020
Digital Editor

第四屆「十大傑出新香港青年」公布結果,Angelababy成為唯一入選嘅演藝明星。不過網民似乎唔太服氣,質疑佢同其他當選人相比,對香港社會做出嘅貢獻根本不值一提。

「十大傑出新香港青年」2020年評選結果出爐,女星Angelababy(楊穎)成為唯一入選明星。

「十大傑出新香港青年」2020年評選結果出爐,女星Angelababy(楊穎)成為唯一入選明星Photo from Angelababy微博

Angelababy近年都喺大陸活動Photo from Angelababy微博

今年評選活動投票頁面有超過200萬人次訪問,共獲得超過56萬票。候選人嘅最終分數由來自香港各界評判評分(佔80%)、網絡投票數(佔20%)合計得出。

根據介紹,「十大傑出新香港青年」為表揚新來港青年喺香港金融、地產、建築、工程、醫療、文化、藝術、社會等各領域取得嘅成就,同為香港社會不斷做出嘅傑出貢獻。

同Angelababy一齊獲獎嘅仲包括:香港高等法院執業大律師吳英鵬、獅石資產管理有限公司創始人兼CEO林烈、香港理工大學終身教授陸海天、絲路智谷研究院院長梁海明、香港時和資產管理公司固定收益主管及基金經理溫凡等。

Angelababy嘅提名人係香港貿易發展局主席,林建岳Photo from 十大傑出新香港青年

Angelababy嘅提名人亦大有來頭—香港貿易發展局主席,林建岳。喺推薦函中指Angelababy自13歲移居香港後獲得海內外演藝界同時尚界嘅認可,又羅列出佢咁耐以嚟拎過嘅獎項。

推薦函中指Angelababy自13歲移居香港後獲得海內外演藝界同時尚界嘅認可,又羅列出佢咁耐以嚟拎過嘅獎項。Photo from 十大傑出新香港青年

推薦函提到,Baby一直為香港嘅公益活動出力,唔止有持續捐款,更係穿山甲野生救援公益大使。

推薦函提到,Baby係穿山甲野生救援公益大使Photo from Angelababy微博

不過有唔少網民就質疑Angelababy有咩資格獲獎,指唔明佢對香港社會作出咗咩貢獻,喺香港演藝領域取得嘅成就更加不值一提。

有唔少網民就質疑Angelababy憑咩獲獎,指佢對香港社會作出嘅貢獻根本唔夠資格攞呢個獎Photo from Angelababy微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel