download HolidaySmart 假期日常 app
Netflix 最新燒腦日本神劇!《今際之國的有栖》真人版生死遊戲 網民激讚:節奏明快令人忍唔住一口氣睇晒!

Netflix 最新燒腦日本神劇!《今際之國的有栖》真人版生死遊戲 網民激讚:節奏明快令人忍唔住一口氣睇晒!

電視電影
By Celia on 14 Dec 2020
Digital Editor

最新大家又因為疫情關係多咗時間留喺屋企,但除咗打機之外,當然就係煲劇喇!但咁多戲又睇邊套好呢?早前喺 Netflix 上映嘅新日劇《今際之國的有栖》喺上架短短 3 日就已經成為 Netflix 人氣榜嘅No 1.,而且又係真人版生死遊戲嘅題材,鍾意依類題材嘅大家又點可以錯過呢?!

如果大家鍾意睇《大逃殺》或《飢餓遊戲》等真人版生死遊戲題材電影,咁依套大家一定唔可以錯過喇嘛!《今際之國的有栖》(又名《今際之國的闖關者》)改編麻生羽呂的自同名漫畫。作者巧妙將漫畫跟童話故事《愛麗絲夢遊仙境》合而為一,例如主角有栖嘅日文拼音Arisu,正正就係愛麗絲嘅諧音;至於帽匠嘅名字及造型,就影射為「瘋帽子」,算係新瓶舊酒中玩出新意。

《今際之國的有栖》

而戲中同樣會以卡牌作為戲中遊戲嘅其中關鍵,故事中嘅玩家要聯手破解遊戲關卡延長存活日期,但每個遊戲最後都有一張「謎之啤牌」,四種花色更分別代表該關卡的特色:黑桃代表以體力決勝負嘅「肉體型」,紅心係玩弄人心嘅「心理型」,梅花就講求團隊合作嘅「平衡型」,最後方塊就係考驗智力嘅「智慧型」。

此外,劇中利用電腦 CG 特效及以「一鏡到底」嘅手法,令本來人潮洶湧嘅東京涉谷街頭、銀座以及雷門寺等近萬位路人喺一眨眼之間全部灰飛煙滅,全部變成死城,忠實呈現漫畫場面。

當然睇戲又點少得睇 cast 呢!劇中有唔少年輕演員,如:最近出演人氣 BL 日劇《如果30歲還是處男,似乎就能成為魔法師》嘅町田啟太、朝比奈彩、三吉彩花及青柳翔等,而飾演男主角「宅男」有栖良平嘅就有山崎賢人,女主角宇佐木柚葉就由土屋太鳳飾演。

劇中有唔少年輕演員。

人氣 BL 日劇《如果30歲還是處男,似乎就能成為魔法師》嘅町田啟太

劇集只有 8 集,故事節奏明快,首集開場嘅短短十多分鐘,就迅速交代三位主要人物有栖、大吉以及勢川嘅好友關係與性格差異,隨即展開喺今際之國嘅冒險旅程,絕唔會拖泥帶水,爽度十足。

首集開場嘅短短十多分鐘,就迅速交代三位主要人物有栖、大吉以及勢川嘅好友關係與性格差異

而有唔少睇咗依套劇嘅網友都大讚劇中有滿滿嘅洋蔥,指前三集有栖、大吉以及勢川三人堅定嘅情誼,喺破紅心 7 嘅關卡時係劇嘅最高點,佢哋願意犧牲自己嘅性命,將希望託付給有栖;喺海濱篇時,帽匠與粟國嘅友誼亦係十分賺人熱淚,而最終帽匠假裝要開槍射擊栗國,逼迫對方先開槍殺死自己嘅安排,更係催淚至極嘅橋段,未睇嘅大家記得準備定紙巾喇~

有栖、大吉以及勢川三人堅定嘅情誼,喺破紅心 7 嘅關卡時係劇嘅最高點

今季以有栖與宇佐木逃出生天作結,佢哋大難不死繼續追查真相,以為目標在望?而喺謎底嘅背後原來仲隱藏秘密,依種開放式結局,唔知會唔會暗示有望拍第2季呢?!鍾意依類題材嘅大家記得唔少錯過呢?!

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel