東港城外賣自取美食優惠低至 53 折　餐飲消費滿 $100 即享 $20 贈券回贈

By Ella on 15 Dec 2020

Digital Content Writer

最近晚市又禁堂食，但就到聖誕又想食好啲，唔少朋友會選擇外賣，而東港城依家推出嘅外賣自取美食優惠絕對啱晒一班經常外賣嘅朋友，優惠合共高達 53 折添啊！

東港城推出咗外賣自取美食優惠「Takeaway 餐飲激賞」，由即日起至 12 月 31 日，只需透過「新地商場」手機應用程式就可以喺東港城食肆訂購外賣自取美食，只需要輸入東港城獨家優惠碼，消費金額滿 $100 就可以即刻享有 $20 立減折扣，滿 $200 就可減 $50。有東港城獨家優惠碼，再加埋食肆外賣自取優惠高達 7 折，加加埋埋有成 53 折！真係好抵啊！

抵嘅嘢又點止咁少，東港城仲推出咗午市及晚市美食回贈優惠，由即日起至 12 月 31 日，只要喺午市（中午 12 時 30 分至下午 2 時 30 分）及晚市（晚上 6 時後）時段喺食肆消費滿 $100 即可享 $20 餐飲贈券回贈，滿 $200 仲可以獲得 $50 東港城餐飲購物贈券，無論堂食或外賣自取都可以㗎！

除咗美食餐飲有優惠之外，購物同樣都推出咗優惠。由即日起至 2021 年 1 月 3 日，喺場內任何指定商戶以電子貨幣消費滿指定金額，就可以換領贈券及禮品，包括 HK$100 服飾現金券、HK$500 商場贈券及 Airpods Pro！除咗贈券之外，東港城更會由即日起一連七個星期五，每星期推出唔同嘅電子產品畀大家換領，包括 Apple Watch Series 6 GPS、NINTENDO Switch 主機連遊戲套裝、Apple iPad 等，禮品非常豐富！