Apple iOS 14.3及watchOS 7.2同步推出！10大必睇新功能　監測/分類心肺適能水平預測健康指標

By Celia on 15 Dec 2020

Digital Editor

繼早前 Apple 宣布頭戴式耳機 AirPods Max 推出之後，所對應嘅 iOS 14.3 同 watchOS 7.2 亦喺今日凌晨正式推出喇！今次更新包含 Apple Fitness+ 、AirPods Max 與啟動健康 app 上查看心肺適能水平，以及替 iPhone 12 Pro / 12 Pro Max 系列加入 Apple ProRAW 支援等，一齊嚟睇吓新功能又啱唔啱大家用？！

1. iPhone 12 Pro 系列 ProRAW 格式
iPhone 12 Pro 系列旗艦機上正式支援 Apple ProRAW 格式，利用會 Apple 計算攝影功能 Deep Fusion（深度融合）、智慧型HDR訊息，並且可於照片中編輯。大家喺更新後，可先喺相機設定中打開「Apple ProRAW」，相機拍攝頁面就會喺右上角出現 RAW 符號，主鏡頭拍攝檔案達 21MB、望遠鏡頭拍攝達 12.5MB，成像更消清晰，方便後製編修照片，符合專業工作者需求。

2. 支援 PAL 錄影和拍攝靜態照片
於 iOS 14.3 內建設定內仲有依兩項小更動：
。支援 PLA 25 fps 影片錄影格式，可直接透過 iOS 設定內相機調整。
。針對 iPhone 6s、iPhone 6s Plus、iPhone SE、iPhone 7、iPhone 7 Plus 、iPhone 8、iPhone 8 Plus 及 iPhone X 前置鏡頭可支援拍攝靜態照片。

3.支援 AirPods Max
高傳真音訊、適應性等化器（即時調整聲音以符合耳墊配戴位置）、利用耳機上 8 個麥克風產生嘅主動降噪可阻擋環境噪音、通透模式接收外界音訊更清晰、空間音訊配合動態頭部追蹤，提供劇院般嘅聆聽體驗。

4.空氣品質檢測
iOS 14.3 針對中國地區、德國和墨西哥國家加入天氣、地圖和 Siri 空氣品質檢測數據；如果空氣品質高於人體健康，就會喺天氣或 Siri 中提供健康建議，不過目前只針對美國、英國、德國和墨西哥提供。

5.App Clips
App Clips 透過鏡頭或控制中心，直接掃描 Apple 設計嘅應用程式代碼，直接啟動 App Clips 功能。

6. Apple Fitness+
Apple Fitness+ 主要以智慧化整合 Apple Watch 各項指標，以視覺化嘅方式直接呈現喺 iPhone、iPad 或 Apple TV 上，供使用者查看，提供個人化體能訓練體驗。不管初學者或運動愛好者，每個人都可以喺世界級教練編製嘅健身房作體能訓練，並透過著名音樂人激勵振奮嘅音樂烘托下進行，隨時隨地更輕鬆、更投入享受鍛煉身體。

目前 Fitness+ 訂閱服務僅只喺澳洲、加拿大、愛爾蘭、新西蘭、英國和美國推出。

7. 心肺適能水平
Apple Watch 新推監測及分類心肺適能水平（Cardio Fitness level），為整體健康提供有效預測指標。配合 iOS 14.3 和 watchOS 7.2，Apple Watch 用家可於 iPhone 嘅健康 app 上設定心肺適能水平功能及查看心肺適能水平，並啟用心肺適能水平通知，在心肺適能水平下降至較低範圍時喺 Apple Watch 上收到通知。

Apple Watch 早已喺劇烈嘅戶外步行、跑步或遠足期間估算平均值和較高水平嘅最大攝氧量。現在即使用家未有進行高強度嘅體能訓練，Apple Watch 亦可以更準確地測量用家嘅最大攝氧量，提供低度心肺適能水平資料。而美國心臟協會喺 2016 年時曾發表一項科學研究結果，指出與吸煙、糖尿病和高血壓等常見風險因素相比，心肺適能水平是更有效嘅死亡風險預測指標。

8. Ecosia搜尋引擎
Ecosia 係一個位於德國柏林嘅搜尋引擎。而新 iOS 更新後，即可打開 Safari 嘅設定，將 Ecosia 納入預設嘅搜尋引擎之中。
設定方法：透過 iOS 「設定」>「Safari」>「搜尋引擎」內選擇

9. AirTag
AirTag 可用作鑰匙、背包、腳踏車等藍牙防丟工具，代號「 Hawkeye」新功能預計可用於 AirTags 設備及第三方防丟設備例如 Tile ，如後續用戶設備遺失後，就可透過尋找 App 立即搵返遺失嘅物品，至於配對方式同配對 AirPods 相同，設備互相靠近即可完成配對。