凌晨發文感謝支持　Manson《全民造星3》大熱出局：對不起，讓大家失望了！

全城熱捧 ViuTV 音樂選秀節目《全民造星3》最近就開始咗 10 強 PK 賽，比賽以 1 對 1 嘅形式進利。而喺尋晚嗰集就輪到早前飽受「4P新聞」輿論壓力嘅 Manson（張進翹）PK 李靜蓮（Alina）。可惜 Manson 嘅喺一開聲就出現嚴重跌 watt，表演失準嘅情況，止步 20 強。

ViuTV 節目《全民造星3》近日展開 10 強 PK 賽，而大熱有「翻版黃家駒」之稱嘅 Manson 就喺尋晚嗰集力戰 Alina，雖然喺比賽未開始之前，Manson 曾指參加比賽受廣泛關注，令自己有唔少壓力，因而被花姐直斥佢迷失，一度「做唔番自己」。

不過喺正式比賽抽籤決定對手時，大家都覺得 Manson  係嘅贏面可以算係一面倒，但可惜  Manson 雖然喺比賽中成功搵番自己，但佢一開聲即「五音不全」嚴重跌 watt，令5位評判邊睇邊皺眉。最後更止步 20 強，無緣晉級。而反觀對手 Alina 嘅表演，佢嘅舞蹈揮灑自如，就連欣宜都過感覺到佢喺背後付出多年嘅努力，最後以「4粒星」贏出躋身10強。

而 Manson 凌晨時喺其 Facebook 發文，承認自己比賽時做得唔好，失去咗信心：「是的，我炒粉了，現場唱得很爛很爛，對不起，讓大家失望了，在過程中我迷了路，對自己失去了信心，推倒了很多做好的準備，其實出場前已經很不安，因為各種原因，而讓自己showday狀態很差，知道有很多很多的不足，需要學習需要練唱功，『要成長，學習理性做選擇，才可以保護到自己心愛的作品』。」

Photo from Manson 張進翹/Facebook

最後佢亦多謝大家支持，表示會繼續努力做好創作期待帶新作品給大家！

雖然今次 Manson 輸咗，但有網民指對佢可以重新搵番自己，畀人睇到佢嘅才華、魅力同對藝術嘅熱誠就值得喇！！

即睇《全民造星III》20強比賽 Manson 唱歌《 UWILC 》：

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）