download HolidaySmart 假期日常 app
《香港愛情故事》結局率先睇!羅天宇龔嘉欣上車夢碎?王敏奕感情去向?

《香港愛情故事》結局率先睇!羅天宇龔嘉欣上車夢碎?王敏奕感情去向?

生活熱話 電視電影
By Jennifer on 16 Dec 2020
Digital Editor

TVB劇集《香港愛情故事》熱播中,由羅天宇、龔嘉欣、龔慈恩、白彪、王敏奕主演,劇情獲夠貼地吸引唔少人追睇,劇集進入尾聲,率先睇大結局劇透,羅天宇、龔嘉欣呢對最終上樓唔成功?

《香港愛情故事》屬於小品劇,只有12集,不過劇情寫實引起共鳴,劇集除咗喺香港熱播外,喺大陸評價亦甚高。

《香港愛情故事》屬於小品劇,只有12集,不過劇情寫實引起共鳴Photo from 《香港愛情故事》

劇集雖然係以羅天宇、龔嘉欣做主角,不過其他支線都寫得好好。羅天宇同龔嘉欣因土地問題而被迫租劏房,而兩個妹妹(王敏奕、游嘉欣)性格不同,但喺愛情路上都遇上不同問題,仲有父母龔慈恩、白彪亦有感情危機。

劇集雖然係以羅天宇、龔嘉欣做主角,不過其他支線都寫得好好Photo from 《香港愛情故事》

主角羅天宇、龔嘉欣由拍拖到結婚都飽受土地問題所影響,兩人雖然拉埋天窗,但仍要租住劏房。為咗上車置業努力工作,日忙夜忙兩夫婦見面時間越嚟越少。

主角羅天宇、龔嘉欣由拍拖到結婚都飽受土地問題所影響Photo from 《香港愛情故事》

兩人修成正果,為咗上車置業努力工作Photo from 《香港愛情故事》

正當佢哋為安樂窩努力奮鬥,竟傳來噩耗,原來佢哋本身已睇啱新屋諗住落訂,但因為地產經紀出錯,令新屋有撻訂危機......龔嘉欣仍未肯放棄上車夢,與羅天宇為咗層樓,7年嚟首次嗌架,更要分居!幸有多年感情,最後都和好如初,但未能上車嘅佢哋就要繼續住劏房。

正當佢哋為安樂窩努力奮鬥,竟傳來噩耗,原來佢哋本身已睇啱新屋諗住落訂,但因為地產經紀出錯,令新屋有撻訂危機Photo from 《香港愛情故事》

羅天宇妹妹王敏奕想同謝東閔一齊,但對方已有醫生女友,更提出斬斷情絲!呢段感情無疾而終。

羅天宇妹妹王敏奕想同謝東閔一齊,但對方已有醫生女友Photo from 《香港愛情故事》

王敏奕謝東閔呢段感情無疾而終Photo from 《香港愛情故事》

至於游嘉欣一心想嫁個好老公,雖然同徐文浩拍拖,但面對他人追求,亦生出同男友分手嘅想法,游嘉欣向徐文浩提分手之際,竟被對方發現真相,二人不歡而散......

游嘉欣一心想嫁個好老公,雖然同徐文浩拍拖,但面對他人追求,亦生出同男友分手嘅想法Photo from 《香港愛情故事》

白彪、龔慈恩一對演繹出「相愛容易相守難」,回憶當年婚宴場景亦相當催淚,夫婦穿梭時空同年輕時嘅自己對話一幕令人動容!白彪脾氣差,同女兒關係唔好,仲搞到龔慈恩心灰意冷要分居、離婚。不過佢最終都明白自己嘅錯誤,化解老婆、女兒嘅心結,重修舊好,總算係大團圓結局。

白彪、龔慈恩一對演繹出「相愛容易相守難」,回憶當年婚宴場景亦相當催淚Photo from 《香港愛情故事》

白彪搞到龔慈恩心灰意冷要分居、離婚。Photo from 《香港愛情故事》

白彪最終同老婆重修舊好Photo from 《香港愛情故事》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel