download HolidaySmart 假期日常 app
盤點 10 大最唔想收到聖誕禮物 被評為冇誠意/敷衍/唔等使之選!你又送/收過邊幾樣?

盤點 10 大最唔想收到聖誕禮物 被評為冇誠意/敷衍/唔等使之選!你又送/收過邊幾樣?

生活熱話
By Celia on 18 Dec 2020
Digital Editor

仲有唔夠 10 日就到聖誕節啦!相信大家都為聖誕節同朋友交換禮物作最後準備,但仲未諗到買咩好都建議大家唔好隨便買呀,以免事後畀人指禮物冇誠意、敷衍或唔等使等。而台灣網站 DaliyView 就公布咗「最不想收到的聖誕禮物」調查,一齊睇吓大家準備好嘅禮物有冇上榜喇!

台灣網站 DaliyView 早前公布咗一款「最不想收到的聖誕禮物」調查,一眾網民選出曾經收到過嘅唔等使/冇誠意禮物。

10 大最唔想收到聖誕禮物

第 20 位:安全套;第 19 位:護唇膏;第 18 位:相架;第 17 位:沖涼用品(沐浴組/香皂);第 16 位:拼圖;第 15 位:年曆/行事曆/月曆;第 14 位:筆記本;第 13 位:抱枕;第 12 位:擺飾;第 11 位:銀包。

銀包

第 10 位:手套
亞洲嘅天氣向來都唔係話人人都好需要有戴手套嘅必要,但唔少人屋企總會有一兩對手套備用,但如果收到唔太啱自己風格嘅,都真係唔知用唔用好喇!

手套

第 9 位:襪
襪都算係交換禮物常見嘅物品嚟,唔論款式、大小與花色,唔少人都認為「誠意不足」,但如果收到唔啱 size 嘅,都真係唔知嬲好定笑好~

襪Photo from 襪

第 8 位:面膜
面膜可以話係男女都啱用,但每個人嘅膚質唔同,就算送嘅係知名品牌,都可能會出現過敏嘅情況,所以除非你同對方非常非常熟悉,如果唔係最好都係唔好挑選面膜喇!

面膜

第 7 位:香水
無論男女都會用到香水,但香味嘅嘢完全係睇個人喜好,你鍾意嘅對方未必一定都鍾意~此外,男性同女性對香水產品亦有唔同,所以同面膜一樣,除非你好熟悉對方,否則都係唔好揀香水作為交換禮物!

香水

第 6 位:護手霜
護手霜係唔少人嘅送禮首選之一嚟,價錢唔貴,一次有幾支,仲好實用。但有網友就指如果唔止一個人送畀你時,真係會一個冬天都擦唔完。

護手霜Photo from 護手霜

第 5 位:圍巾
頸巾同手套一樣,就咁睇就好似係唔錯嘅禮物嚟。但網友就表示近年冬天唔算太凍,而且屋企已經有唔少頸巾,根本用唔晒,所以大家今年都係唔好送頸巾好啲~

圍巾

第 4 位:紙巾
紙巾相信大家每日都一定會用到,可算係非常實際嘅用品嚟,而且喺韓國慶祝人哋新居入伙都會送上紙巾,對大家嚟講依個完全唔覺得係「禮物」嚟,而且當你著到靚靚參加完 party 後,拎住整條紙巾咁大體積嘅禮物都幾唔方便!

紙巾

第 3 位:毛公仔
唔少人認為送公仔給女仔一定冇死,但原來係錯㗎。網友認為太大嘅毛公仔唔止「阻埞」,仲好容易引起敏感,最後公仔嘅下場可能都係捐出去或轉贈畀其他人。

毛公仔

第 2 位:杯
相信大家對「杯」會上榜一啲都唔會意外,但冇諗過佢竟然唔係第一位。而點解會上榜相信唔使講大家都心中有數,所以真係真係唔好再送杯喇!

杯

第 1 位:糖果、餅乾
第一位竟然係...糖果餅乾等零食類,對小朋友嚟講,糖果餅乾作為禮物應該係唔錯嘅,但對大人嚟講就真係好似敷衍咗啲喎,而且又唔係人人都鍾意食零食,加上如果失手買咗對方唔鍾意嘅零食,就真係好只會垃圾桶見。所以零食類都係留畀自己食好啲。

糖果、餅乾

唔知大家嘅禮物有冇上榜呢!不過送禮物畀人最緊要都係心意,相信送禮嘅人都係精心挑選,所以唔好收到唔啱用嘅禮物時就責怪對方呀!

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel