王浩信激短平頭look曝光！北上拍電影演軍人 隔離期間開live氹fans

王浩信今年兩套劇《反黑路人甲》、《踩過界2》收視、口碑都唔錯，有望再奪視帝。佢早前首度北上拍電影，飾演特種部隊，為演出佢更罕有剷短頭髮，以新造型平頭look現身！

王浩信喺2017年首奪視帝，之後佢喺TVB主演唔少劇集，今年佢有兩套劇《反黑路人甲》、《踩過界2》，連續兩套劇集都有好成績，令佢再奪視帝嘅呼聲越嚟越高。

Photo from 王浩信微博

《踩過界2》仍未播完，不過作為男主角嘅王浩信就缺席宣傳活動，原因係佢要上大陸拍戲。

Photo from 王浩信微博

王浩信首度北上拍攝大陸電影，因為要隔離14日，所以喺《踩過界2》正式開播前佢已離開香港。

Photo from 王浩信微博

佢喺電影中飾演軍人，與以往喺TVB時嘅角色大為不同，更要剷短頭髮，以平頭造型出演！

Photo from 王浩信微博

喺《反黑路人甲》、《踩過界2》等大台劇集中，王浩信向來都係「官仔骨骨」，髮型、衣著打扮都一絲不苟，「大chok特chok」。

Photo from 王浩信微博

但喺拍攝嘅電影中，因為飾演特種部隊，造型硬朗得多，仲有唔少動作戲，仲要操肌～

Photo from 王浩信微博

Photo from 王浩信微博

喺隔離期間，王浩信亦不忘開live同大陸fans交流，不過到萬千星輝頒獎禮時佢就會返港，相信佢到時都會係以平頭look現身。

Photo from 王浩信微博

新造型一反王浩信多年造型，特點無晒，而且顯得髮際線好高，更有人覺得佢秒變路人！

Photo from 張德暉微博

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）