download HolidaySmart 假期日常 app
太子新酒店 Hotel 1936 開幕!三級歷史建築物改建懷舊氣息濃厚

太子新酒店 Hotel 1936 開幕!三級歷史建築物改建懷舊氣息濃厚

Hotel酒店推薦
By Ella on 22 Dec 2020
Digital Content Writer

又有新酒店開幕啦!位於太子嘅「Hotel 1936」喺 12 月開幕,酒店係由三級歷史建築物改建而成,非常特別!大家之後去 staycation 又有新選擇啦~

「Hotel 1936」係一間精品酒店,位於太子道西,距離港鐵太子站只有 4 分鐘路程,非常便利。酒店嘅特別之處在於係由三級歷史建築物改建而成,酒店前身係一幢建於 30 年代嘅唐樓,而唐樓嘅地下至 3 樓嘅外牆及前座起居空間都被完整保留及復修活化,酒店就係建於唐樓後座位置,樓高 20 層。

酒店嘅特別之處在於係由三級歷史建築物改建而成。Photo from Hotel 1936

既然前身係充滿歷史特色嘅建築,酒店嘅裝潢當然都保留住歷史嘅味道。酒店外觀時尚簡約,但內部裝修就充滿年代感,好似木門、露台、格仔階磚等,流露住懷舊氣息。

酒店外觀時尚簡約,但內部裝修就充滿年代感,好似木門、露台、格仔階磚等,流露住懷舊氣息。Photo from Hotel 1936

Photo from Hotel 1936

酒店嘅二樓更設有展覽館,將舊建築單位內嘅裝潢及建築元素保留,並開放畀客人欣賞。可以欣賞到三十年代至今嘅大廳火爐、地磚、窗簾框等裝潢,彷如穿越返三十年代。

酒店嘅二樓更設有展覽館,將舊建築單位內嘅裝潢及建築元素保留,並開放畀客人欣賞。Photo from Hotel 1936

可以欣賞到三十年代至今嘅大廳火爐、地磚、窗簾框等裝潢。Photo from Hotel 1936

Photo from Hotel 1936

酒店共有 50 間客房,設有經典房及尊貴經典房,客房設計走復古路線,房間內設備齊全,仲可以欣賞到獅子山及九龍半島嘅景色。

酒店共有 50 間客房,設有經典房及尊貴經典房。Photo from Hotel 1936

客房設計走復古路線,房間內設備齊全。Photo from Hotel 1936

Photo from Hotel 1936

Photo from Hotel 1936

酒店設計真係充滿懷舊氣息,仲可以欣賞到三十年代嘅建築裝潢,有興趣嘅朋友不妨留意吓~

Hotel 1936(官網
地址:九龍太子道西 179 號

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel