【外賣聖誕大餐】盤點10大酒店聖誕外賣優惠　最平5人餐唔使1,000蚊就食到

受疫情影響，早前政府就宣布延長防疫措施，限聚令、食肆晚市禁止堂食等都會延至明年 1 月 6 日。所以今年聖誕節唔少酒店都推出咁外賣聖誕大餐優惠，自取更低至 7 折起，最平5人餐唔使 HKD$1000 就食到，畀大家就算留喺屋企都可以享受到酒店級嘅美食，同家人閨蜜齊齊歡度佳節！

1. 香港朗廷酒店Main St. Deli

香港朗廷酒店推出聖誕外賣 8 折優惠，旗下 Main St. Deli 嘅節日火雞外賣套餐，當中香烤原隻美國火雞，折後都係 HKD$1,910 起，仲可供最多 18 人享用。

而如果搞家庭或公司聚會，仲可以揀堆澳洲頂級黑安格斯牛扒，18 人享用折後 HKD$1,670 起，仲有招牌海鮮拼盤（3 位用折後都係 HKD$816 咋。而且餐廳亦提供消費滿 HKD$2,000 或以上（折扣後）之訂單，可享免費送遞服務添（只限九龍及香港區）。

香港朗廷酒店Main St. Deli（LINK）
地址：尖沙咀北京道8號香港朗廷酒店低層大堂
電話：2132 7898

2. 唯港薈

位於尖沙咀嘅唯港薈 Hotal Icon 今年就推出聖誕派對美食網上預訂及到會服務，客人可訂購原隻香烤火雞（HKD$560）及各款節日美食，當中包括威靈頓牛柳（HKD$320）、聖誕椰子蠟燭蛋糕（HKD$488/1 磅）等。

唯港薈（LINK）
地址：九龍尖沙咀東部科學館道17號
電話：3400 1343

3. 凱悅酒店

尖沙咀凱悅酒店咖啡廳嘅外賣自取 7 折優惠，包括西餐、亞洲菜式以及聖誕美饌到會套餐，套餐設有 4 人用（HKD $2,188）或 8 人用（HKD $3,988），其中包括慢烤原隻火雞、自家醃製挪威三文魚、燴紅椰菜及各式應節聖誕甜品等。

咖啡廳 凱悅酒店（LINK）
地址：九龍尖沙咀河內道 18 號大堂樓層
電話：3721 7700

4. 香港麗思卡爾頓酒店

香港麗思卡爾頓酒店 The Ritz-Carlton 聖誕節外賣美饌及送貨服務，香烤羊架配蒜蓉香草汁套餐，連配菜、熱湯及蛋糕，4 位用 HKD$2,300；傳統德國烤鵝套餐連餐湯、主菜、配菜、甜品及自家製德國香料酒，6 位用 HKD$2,980。

送遞服務另外收費：九龍區為 HKD$250，香港島為 HKD$350，新界區為 HKD$450。

香港麗思卡爾頓酒店（LINK）
地址：九龍柯士甸道西1號環球貿易廣場
電話：2263 2263

5. Rosewood Hong Kong

Rosewood Hong Kong 「瑰麗美食家中享」，由瑰麗酒店各名廚親自到訪府上設計餐宴。 DarkSide 酒吧更安排調酒師到家為你調配獨一無二 cocktail。餐廳 HENRY 同時亦有 8 人份原隻聖誕火雞及配料 （HKD $2,500）送到府上，畀大家安在家中都可以享用酒店級聖誕大餐。

Rosewood Hong Kong（LINK）
地址：香港九龍尖沙咀梳士巴利道 18 號 Victoria Dockside
電話：3891 8888

6. 8度海逸酒店

土瓜灣 8 度海逸酒店除咗推出聖誕火雞（HKD $788）外，聖誕外賣自取套餐更設有 6 人及 10 人用，6 人（HKD $2,188) 包括田園沙律、芒果大蝦沙律、煙三文魚、肉醬意大利粉、瑞士汁雞翼、半隻燒火雞配金巴利汁、意式蕃茄醬肉丸、芒果拿破崙及聖誕朱古力樹頭蛋糕。

而 10 人套餐（ HKD $3,888）則包括田園沙律、龍蝦沙律、日式慢煮磯燒鮑魚、意大利風乾火腿、黑松露醬蘑菇長通粉、紅酒燴牛尾、普羅旺斯燉菜、燒火雞配金巴利汁半隻、 芒果拿破崙、聖誕朱古力樹頭蛋糕及果汁啫喱。

8度海逸酒店（LINK）
地址：香港九龍土瓜灣九龍城道199號
電話：2126 1988

7. 君悦酒店

君悅酒店 Grand Hyatt 嘅「君悅快遞」，為港島區提供速遞服務，酒店備有 4 至 8 人套餐（HKD $1,600起），套餐包括多款佳節美食：節日海鮮拼盤、烤牛肋扒及各式甜品。

而如果距離酒店僅  15 分鐘步行範圍嘅地址更可享有免費送餐服務，而外賣自取則有 85 折優惠，凱悅美食會會員則可享有 8 折優惠。

君悅酒店（LINK）
地址：灣仔港灣道1號
電話：2584 7722

8. 四季酒店

四季酒店 Four Seasons 一系列節日外賣自取美食優惠，於網站消費滿 $2,500 即可免費獲贈香檳一支。而現時 8 至 10 位套餐亦有 9 折優惠（折後 HKD $4,284），套餐包括火山石烤戰斧和牛扒、砂鍋烤時令蔬菜、野菌（2kg）及西班牙有機黃油烤雞。

四季酒店（LINK）
地址：中環金融街8號
電話：3196 8888

9. JW萬豪酒店Dolce 88

位於 JW 萬豪酒店嘅 Dolce 88 節日美食外賣自取服務，包括適合 6 至 8 位享用原隻香烤火雞（HKD $2,088）；以及 8 至 12 位用原隻香烤火雞或蜜汁烤火腿，並奉送核桃、蘋果或南瓜餡批一個（HKD $2,488）。

如果係香港 JW 萬豪酒店萬譽會嘅會員更可享有外賣自取聖誕火雞或火腿 85 折優惠添～

Dolce 88 JW萬豪酒店（LINK）
地址：香港中環金鐘道88號太古廣場1座
電話：2810 8366

10. 悅品酒店The Platter

天水圍、屯門及荃灣嘅悅品酒店 The Platter 均推出聖誕到會優惠，5 至 6 人套餐 HKD$988，惠顧指定單點菜式更可獲 75 折優惠。客人可自選配搭，包括烤原隻聖誕火雞、燒羊架配燒汁、烤豬肋骨、白酒煮紐西蘭青口等。

另外，訂購滿 HKD$2,888（折後價計算）可享免費送遞服務（5公里以內），滿$2,888（以折後價計算）可享免費指定白酒乙瓶。

The Platter悅品酒店（LINK）
地址：元朗天水圍天秀路8號；屯門建豐街 4 號；葵涌青山公路葵涌段443號

電話：3583 6128（天水圍）；3899 9222（屯門）；3891 1928（荃灣）

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）