download HolidaySmart 假期日常 app
Carman關嘉敏入行4年曾得8毫子收入!憑《全民造星3》彈出唔入十強都有人氣

Carman關嘉敏入行4年曾得8毫子收入!憑《全民造星3》彈出唔入十強都有人氣

生活熱話 娛樂新聞
By Jennifer on 28 Dec 2020
Digital Editor

全民造星3》圓滿結束,除咗冠、亞、季軍,好多有實力嘅參賽者都因為節目人氣上升,入行4年嘅卡文(關嘉敏)曾經得8毫子收入,喺節目中亦未能進入10強,但人氣急升,收入翻幾倍!

ViuTV《全民造星3》成為全城熱話,除咗冠、亞、季軍之外,仲有唔少參賽者都因為呢個節目為人認識。

ViuTV《全民造星3》成為全城熱話Photo from 關嘉敏IG

好似卡文(關嘉敏)咁,佢唔算係素人,已經入行4年,係女子組合BINGO嘅隊長,不過入行以嚟星途平平,成員一個個退出,依家都係以個人活動為主。

卡文(關嘉敏)入行4年,係女子組合Bingo嘅隊長Photo from 關嘉敏IG

當初參賽時Carman表示未出道前以為做咗明星會有虛榮感,但眼見同伴逐一離開,先知呢條路唔易行。佢回憶起自己出道以嚟嘅發展更哽咽落淚。

卡文回憶起自己出道以嚟嘅發展更哽咽落淚。Photo from 《全民造星3》

卡文二十強對上亞軍陳葦璇,遺憾落敗淘汰,當時有唔少觀眾戥佢唔抵,認為係賽制問題,以佢實力絕對值得入十強。

卡文二十強對上亞軍陳葦璇,遺憾落敗淘汰Photo from 關嘉敏IG

入行4年發展平平,卡文指初出道時曾經收過8毫子糧單,因為收入要5個成員平分,另外再要抽佣金、化妝造型支出、租車費等,望見咁「低人工」,佢忍唔住匿埋喺房喊咗全日,媽媽發現咗張糧單亦都傷心埋一份。

入行4年發展平平,卡文指初出道時曾經收過8毫子糧單,因為收入要5個成員平分Photo from BINGO Facebook

幸好佢把握住《全民造星3》呢個機會,成功彈起,知名度急升,收入亦大大增加。

關嘉敏憑《全民造星3》成功彈起,知名度急升,收入亦大大增加。Photo from 關嘉敏IG

卡文表示出道前儲咗6位數私己錢,不過最後望到戶口得返3位數都好不安,依家佢最大希望就係快啲買樓,更表示唔介意「全裸」。

卡文表示出道前儲咗6位數私己錢,不過最後望到戶口得返3位數都好不安,依家佢最大希望就係快啲買樓Photo from 關嘉敏IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel