download HolidaySmart 假期日常 app
台灣瘋傳「屏東王祖賢」劏魚照 孝順女賣魚分擔家計

台灣瘋傳「屏東王祖賢」劏魚照 孝順女賣魚分擔家計

生活熱話
By Ella on 30 Dec 2020
Digital Content Writer

王祖賢係一代女神,即使依家已經 53 歲但仍風采依然。近年台灣網絡瘋傳一張少女嘅劏魚照,呢位少女眉清目秀,網民覺得佢神韻有啲似後生時嘅王祖賢,被封「屏東王祖賢」,而最近呢張相又再次被瘋傳。

王祖賢喺 90 年代係出名嘅女神,《倩女幽魂》中「聶小倩」一角至今仍係經典,可惜王祖賢後來淡出幕前。目前王祖賢喺外國生活,周不時都會喺社交平台發文分享日常生活,雖然已經 53 歲,不過王祖賢保養得宜,依然充滿少女味,果然係一代女神!

王祖賢係一代女神!Photo from wangzuxian_joeywong@IG

王祖賢近年喺外國生活,周不時喺社交平台發文分享日常生活。Photo from wangzuxian_joeywong@IG

王祖賢保養得宜,充滿少女味!Photo from wangzuxian_joeywong@IG

而網絡上瘋傳嘅少女劏魚照主角「屏東王祖賢」名叫蔡涵妤,當時因為外貌酷似王祖賢而一夜爆紅,更有媒體去市場採訪佢。蔡涵妤皮膚白皙、眉清目秀,網民覺得佢笑嘅時候神態有啲似後生時嘅王祖賢。

網絡上瘋傳嘅少女劏魚照主角「屏東王祖賢」名叫蔡涵妤,當時因為外貌酷似王祖賢而一夜爆紅。Photo from 網上圖片

網民覺得佢笑嘅時候神態有啲似後生時嘅王祖賢。Photo from wangzuxian_joeywong@IG

Photo from wangzuxian_joeywong@IG

據消息指,蔡涵妤當時影呢張劏魚照時只得 17 歲,當時嘅佢就讀於某學校嘅餐飲科,為咗幫父母分擔家計,假日會喺市場打工賣魚,非常孝順、勤力。雖然當時佢年紀輕輕,但已經有明確嘅目標,希望可以儲錢去歐洲遊學,更希望將來可以成為主廚。

Photo from wangzuxian_joeywong@IG

蔡涵妤的確係美女一名,而且真係有少少王祖賢嘅神韻~

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel