全港13大芫荽美食推薦!芫荽燒賣/芫荽章魚燒/巨無霸芫荽火鍋 芫荽迷必食!

全港13大芫荽美食推薦!芫荽燒賣/芫荽章魚燒/巨無霸芫荽火鍋 芫荽迷必食!

美食推介
ByJennifer on 30 Dec 2020 Digital Editor

香港唔少食肆都有推出芫荽美食,有甜品、火鍋、燒賣、拉麵、意粉、漢堡等等,食物加入芫荽後即刻有獨特又強烈嘅香氣!各位芫荽fans係時候試勻全港嘅芫荽美食!

#芫荽火鍋

最近天氣咁凍,最適合打邊爐,有唔少火鍋店都有推出過芫荽火鍋,火水爐冰室火鍋嘅「終極芫荽皮蛋湯底」清熱下火;令和鍋物酒場嘅湯底超濃厚,另外更推出其他芫荽小食;酒鍋嘅「巨無霸芫荽鍋」上面有成座山咁高嘅芫荽,4格湯底分別係「清湯牛腩」、「喇沙海鮮」、「四川麻辣」同「蕃茄薯仔豬骨湯」,一定會食得滿足!

1. 火水爐冰室火鍋

地址:旺角煙廠街33號1樓

火水爐冰室火鍋嘅「終極芫荽皮蛋湯底」

2. 令和鍋物酒場

地址:旺角彌敦道613號飛達商業中心1樓

令和鍋物酒場嘅湯底超濃厚

令和鍋物酒場更推出其他芫荽小食

3. 酒鍋

地址:(銅鑼灣分店)銅鑼灣登龍街18號V Point 27樓 /(尖沙咀分店)尖沙咀天文台道8號2樓1號舖

酒鍋嘅「巨無霸芫荽鍋」

#芫荽意粉

位於銅鑼灣嘅「白房子」主打人氣芫荽意粉,加入炸蒜同芫茜,意粉炒得夠乾,食落唔油膩。

銅鑼灣嘅「白房子」主打人氣芫荽意粉

#芫荽拉麵

東京過江龍拉麵店鬼金棒推出「芫荽辣麻味噌拉麵」,麻辣同芫荽好夾,加上玉子同叉燒,啖啖都係配料~另外位於大埔嘅一鳴屋台料理亦有「香菜‧鳴」拉麵,豬骨熬製嘅湯底加入大量芫荽,青BB嘅芫荽豬骨湯超濃郁!

1. 鬼金棒

地址:(銅鑼灣分店)銅鑼灣謝斐道530號/(尖沙咀分店)金馬倫道20號地下

東京過江龍拉麵店鬼金棒推出「芫荽辣麻味噌拉麵」

2. 一鳴屋台料理

地址:大埔運頭街20-26號廣安大廈地下E鋪

位於大埔嘅一鳴屋台料理亦有「香菜‧鳴」拉麵

#芫荽麵

老字號永樂粉麵廠推出「濃香魚湯芫荽麵」,麵條呈青綠色,同魚湯非常夾!唔想自己煮嘅話,位於西九龍戲曲中心嘅遊園.茶記有「遊園招牌芫茜麵」,只限午市供應。

1. 永樂粉麵廠  魚湯芫荽麵

老字號永樂粉麵廠推出「濃香魚湯芫荽麵」

2. 遊園.茶記

地址:九龍尖沙嘴柯士甸道西88號戲曲中心地下2-3號舖(*午市時間: 11:30~14:30)

遊園.茶記有「遊園招牌芫茜麵」

#芫荽餃子

全部都係人手製作,必食芫荽鮮肉餃,有水餃同煎餃兩款,勁多芫荽做餡料!

維港灣餃子坊

地址:元朗水車館街74號

必食芫荽鮮肉水餃

芫荽鮮肉煎餃

#芫荽漢堡

估唔到芫荽同Burger都咁夾!TAP The Ale Project推出嘅「炸荽漢堡」,喺厚厚嘅牛肉上面放炸過嘅芫荽,口感豐富;素年則有超多荽嘅「越式三文治」、芫茜Lemonade同芫茜版不可能漢堡,一次過食晒「芫荽3重奏」。

1. TAP - The Ale Project

地址:荃灣白田壩街45號南豐紗廠3樓302號舖

廣告
廣告

TAP The Ale Project推出嘅「炸荽漢堡」

2. 素年

地址:深水埗福華街191-199號福隆大廈1號地舖/深水埗汝州街132號地舖/荃灣三陂坊20號地舖

素年有超多荽嘅「越式三文治」

#芫荽燒賣

叁拾士多進駐大埔後推出「芫荽魚肉燒賣」,傳統魚肉燒賣中混入粒粒芫荽,仲有自家製「辣茜」、「夠茜」芫荽醬,芫荽控必食!

叁拾士多 F

地址:大埔廣福道145號地下

叁拾士多進駐大埔後推出「芫荽魚肉燒賣」

叁拾士多自家製「辣茜」

叁拾士多自家製「夠茜」

#芫荽章魚燒

位於元朗嘅小食店「麴町」有各款章魚燒,當中有一款「芫荽章魚燒」,上面淋上自家製芫荽醬,加上大量新鮮芫荽,超香荽味!

麴町

地址:元朗教育路3-7號富好大廈地下9號舖

「麴町」有各款章魚燒,當中有一款「芫荽章魚燒」

#芫荽蛋糕

元朗嘅1987 Kitchen嘅自家製芫荽醬用咗1kg芫荽打成,更首創「士多啤梨芫荽卷蛋」,愛食甜品嘅荽迷係時候挑戰!

1987 Kitchen

地址:元朗金輝徑28號好盛洋樓地下11號舖

1987 Kitchen嘅自家製芫荽醬用咗1kg芫荽打成,更首創「士多啤梨芫荽卷蛋」

#芫荽蛋卷

其實早喺40年前已有「芫荽蛋卷」出現,鯉魚門紹香園嘅「芫荽蛋卷」中間有一塊完整嘅芫荽葉,食落都有芫荽香味~

鯉魚門紹香園

鯉魚門紹香園嘅「芫荽蛋卷」中間有一塊完整嘅芫荽葉

#芫荽麵包

牛頭角嘅森林麵包推出「芫荽蒜茸包」,蒜香加芫荽香,味道超香濃!

牛頭角嘅森林麵包推出「芫荽蒜茸包」

#芫荽雪糕

北角小店野草推出「芫荽Gelato」,採用本地種植嘅芫荽,仲可配搭芫荽戚風蛋糕,一次過滿足兩個願望!

野草 Gelato & Coffee

地址:北角和富道21-53號和富薈商場地庫B50號舖美食廣場B1

北角小店野草推出「芫荽Gelato」

「芫荽Gelato」採用本地種植嘅芫荽

#芫荽雲頂花生芋頭鮮奶

依家連飲品都有芫荽!茶理史葵芳分店推出期間限定「芫荽雲頂花生芋頭鮮奶」,感覺似食緊台灣夜市嘅「芫荽花生芋頭雪糕捲」,其他分店都會陸續發售!

茶理史 葵芳分店

地址:葵芳葵富路7 號葵涌廣場2樓2007號舖

茶理史葵芳分店推出期間限定「芫荽雲頂花生芋頭鮮奶」

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

Share to Facebook