《十月初五的月光》落實翻拍!胡鴻鈞飾演「初哥哥」!羅天宇爭贏朱凌凌

《十月初五的月光》落實翻拍!胡鴻鈞飾演「初哥哥」!羅天宇爭贏朱凌凌

生活熱話 電視電影
By Jennifer on 31 Dec 2020
Digital Editor

TVB經典劇集《十月初五的月光》落實翻拍,新版主演名單曝光!張智霖嘅「初哥哥」本來傳由陳家樂出演,現時由胡鴻鈞飾演,至於佘詩曼嘅「祝君好」則由港姐亞軍何依婷飾演。

2000年播出嘅劇集《十月初五的月光》係TVB少有以澳門為故事背景嘅電視劇,劇集由張智霖、佘詩曼、馬浚偉、薛家燕等人主演,當時以平均36點、最高46點刷新收視記錄。

2000年播出嘅劇集《十月初五的月光》係TVB少有以澳門為故事背景嘅電視劇Photo from 《十月初五的月光》

原版咁經典,近日有傳將會翻拍,以全新班底再次演釋呢套電視劇,早前有部分候選演員名單流出,不過最近主角名單曝光,與當初嘅有少少出入。

,近日有傳將會翻拍《十月初五的月光》,更會以全新班底再次演釋呢套電視劇Photo from 《十月初五的月光》

由張智霖飾演嘅「初哥哥」,本來有指會由陳家樂或周柏豪出演,現由胡鴻鈞擔任呢個角色。胡鴻鈞雖然係「巨聲幫」出身,但自2011年就開始拍劇,最為人熟悉嘅演出係《降魔的》「石敢當」一角。

由張智霖飾演嘅「初哥哥」,本來有指會由陳家樂或周柏豪出演,現由胡鴻鈞擔任呢個角色。Photo from 胡鴻鈞IG

至於佘詩曼飾演嘅女主角「祝君好」,則由2017年港姐亞軍何依婷出演,同當初流出嘅候選名單一樣。何依婷雖然於2017年當選,不過一直都無咩令人留下深刻印象嘅演出,出道以嚟亦多係做一啲出演一集嘅角色,今次係佢首次擔正做女主角。

廣告
廣告

佘詩曼飾演嘅女主角「祝君好」,則由2017年港姐亞軍何依婷出演Photo from 何依婷IG

本來由馬浚偉飾演嘅「司徒禮信」,將由近日喺《香港愛情故事》中有唔錯表現嘅羅天宇出演。有指「初哥哥」情敵一角本來候選人係「朱凌凌」吳偉豪同羅天宇,最終決定由羅天宇擔任此角。

本來由馬浚偉飾演嘅「司徒禮信」,將由近日喺《香港愛情故事》中有唔錯表現嘅羅天宇出演Photo from 羅天宇IG

有指「初哥哥」情敵一角本來候選人仲有「朱凌凌」吳偉豪Photo from 吳偉豪IG

而羅天宇本人已確認會出演新版《十月初五的月光》,佢又透露自己同胡鴻鈞、何依婷係首度合作,新劇唔會去到澳門取景,劇情與原版亦有所不同。

羅天宇本人已確認會出演新版《十月初五的月光》,佢透露新劇唔會去到澳門取景Photo from 《十月初五的月光》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel