香港 Starbucks 新年/情人節系列同步登場!必入全透明牛牛造型雙層玻璃杯

香港 Starbucks 新年/情人節系列同步登場!必入全透明牛牛造型雙層玻璃杯

精選購物
ByCelia on 31 Dec 2020 Digital Editor

嚟緊就係農歷新年同情人節,而今年農歷新年更係牛牛們嘅天下嚟,因此每年都會推出新年系列嘅 Starbusks 即日起就連同情人節系列搶先登陸香港各分店。畀大家可以提早為親朋摯愛準備小禮物、賀年禮盒、新春現金禮券套裝以及同小蜜蜂甜蜜過節。

今年香港 Starbucks 就以代表牛年嘅新春金牛同象徵甜蜜嘅小蜜蜂融入商品之中,新春牛年系列以象徵幸運嘅紅色及酒紅色為主調,並於隨行杯及咖啡杯繪上金牛及鮮艷嘅春節花卉。

新春牛年系列

新春牛年系列(售價 HKD$68 - $388):

而情人節 Bee Mine 小蜜蜂系列就一改經典粉色主題,以可愛活潑嘅小蜜蜂 及 早前公布嘅 2021 年度 Pantone 代表色「黃色」為主題,融入小清新嘅感覺。

情人節 Bee Mine 小蜜蜂系列

情人節 Bee Mine 小蜜蜂系列(售價 HKD$98 - $228):

廣告
廣告

而除咗一系列杯之外,拜年當然唔少得送禮喇,佢哋精選嘅甜點禮盒(售價 HKD$168),當中包括四款精美甜點:抹茶朱古力味曲奇、獨有特濃咖啡曲奇、焦糖咖啡杏仁條以及海鹽焦糖蛋卷,等大家可以留下難忘嘅美味回憶。而禮盒包裝則以花卉配搭樹葉壓紋,既精緻又具有質感。

另外,即日起至 2 月 14 日憑已登記之Starbucks Rewards™會員每購買一盒星巴克精選甜點禮盒,即可獲 9 折優惠。

精選甜點禮盒

仲有仲有,有杯有禮盒又點少得現金禮券,今年特別推出 2021 新春現金禮券套裝(售價 HK$300),每套禮券套裝內附10張HK$30現金禮券、1張免費中杯裝(354毫升)手調飲品券,及1張手調飲品買一送一優惠券,每套仲會隨禮券附送上 10 個新春利是封(數量有限,送完即止)添!

禮券套裝同樣以優雅嘅紅色花卉及金牛為主題,畀你向摰親好友傳遞窩心祝福。

2021 新春現金禮券套裝

全新系列商品、精選甜點禮盒及現金禮券套裝均即日起登陸全線分店。有興趣嘅大家記得唔好錯過喇!

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

Share to Facebook