京都市區豪華溫泉旅館！「馥府京都」和式木系裝修風格+每房均設有檜木風呂

日本溫泉度假酒店品牌馥府（ふふ）位於京都嘅豪華溫泉旅館將於2021年春季開幕！酒店附近有賞櫻花、紅葉景點，每一間客房都設有開放式檜木溫泉。以後去京都旅行又多一個選擇。

日本溫泉度假酒店品牌馥府（ふふ）2021年新開設嘅「馥府 京都（ふふ 京都）」選址鄰近南禪寺，一街之隔就係琵琶湖疏水。

雖然位於市區，但成間酒店配合歷史古城京都嘅風格，以自然林木裝修，充滿日系風情。

成間酒店共40間客房，蘊含京都文化嘅日式插花裝點各處，而且每間客房都設有開放式溫泉風呂，喺木質典雅裝修包圍下浸泡喺檜木溫泉中，份外享受！

酒店仲設有酒吧，位於庭園中嘅日式小屋，仲可以欣賞到藝伎翩翩起舞嘅表演。

喺飲食方面，酒店提供精心烹制嘅京野菜同炭烧料理，用餐空間面向日式庭園，非常有氣氛。

ふふ 京都
開幕日期：2021年春季
地址：日本京都府京都市左京區南禪寺草川町
訂房連結：官網

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）