【1 月星座運勢】射手、摩羯、水瓶及雙魚座運程一覽！雙魚座事業運好強？

By Ella on 04 Jan 2021

Digital Content Writer

今次輪到 12 星座中嘅射手、摩羯、水瓶及雙魚座嘅星座運勢！到底喺 2021 年 1 月，工作、感情及金錢方面嘅運勢如何呢？

射手座
射手座今個月會遇到分岔路，要記住不改初衷，堅持自己走嘅路，否則會面臨金錢上嘅四大皆空，只要堅持原先可以搵到收入嘅路就可以了，唔需要對其他事情抱有好奇心，否則會令你心力分散。感情方面，今個月可能會經常諗起過去嘅人，即使有穩定嘅另一半，都可能會有呢啲情況出現，所以要記住一定要放下執念。工作方面，要留意溝通上要開門見山，特別係同上下級溝通嘅時候，將事情講清楚啲、簡單啲，別人會比較容易接受到你嘅意思。

Photo from aliaime@IG

Photo from Pinterest

摩羯座
摩羯座今個月喺金錢方面，金錢同貴人係綁埋一齊，可能貴人就係你身邊嘅一啲朋友，今個月要令自己活躍啲，對一啲事物投入啲可能會令你有所得著。喺感情方面，可能會遇到令你覺得相逢恨晚嘅人，如果遇到新對象不妨放多啲心思經營。喺工作上，要步步為營，今個月可能會出現好強大嘅競爭者，對於唔友善嘅聲音，應該要直接面對面講清楚，儘快解決，如果可以化敵為友就更加好。

Photo from jaychou@IG

Photo from Pinterest

水瓶座
水瓶座今個月感情方面，對方可能會覺得你冇安全感，所以要增加與別人之間嘅熱度，咁先可以拉近彼此嘅距離。工作方面，別人可能會覺得呢份工作對你而言可有可無，而且你好似有好多機會咁，即使事實係咁，但都唔好畀人察覺，咁樣對你未來嘅路會好啲。金錢方面，千萬唔好將錢交畀唔信得過嘅人，要相信自己平時做開嘅理財功課。