濟州全球首家 Lego 博物館BRICK CAMPUS 巨型積木牆/百件藝術品仲有必食造型漢堡

濟州全球首家 Lego 博物館BRICK CAMPUS 巨型積木牆/百件藝術品仲有必食造型漢堡

旅遊攻略
ByCelia on 05 Jan 2021 Digital Editor

講起積木,唔少人第一時間諗到嘅一定係 Lego 依個無論大人定小朋友都咁鍾意嘅玩具,而唔少 Lego 迷更會專程去Legoland 玩添!但其實除咗 Legoland 之外,喺韓國濟州就有全球首間「BRICK CAMPUS」LEGO 博物館,裡面收藏咗過百件積木藝術品,粉絲們又點可以錯過喇!

BRICK CAMPUS

BRICK CAMPUS位於韓國濟州島,係全世界第一間以激發創意嘅校園為主題嘅 lego 藝術館嚟。如果大家喺韓國綜藝節目嘅粉絲仲會發現藝術館曾喺《Running Man》、《孝利家民宿》等大熱綜藝節目上出現過添,館內更有《Running Man》8 位主持嘅肖像畫㗎!

BRICK CAMPUS係全世界第一間以激發創意嘅校園為主題嘅 lego 藝術館嚟。

博物館由全世界超過 40 位藝術家,以 280 萬件 lego 創造出超過 250 件作品,作品將世界各地嘅名勝古蹟同耳熟能詳嘅故事全部變成 lego 模型,畀大家欣賞。

博物館由全世界超過 40 位藝術家,以 280 萬件 lego 創造出超過 250 件作品

作品將世界各地嘅名勝古蹟同耳熟能詳嘅故事全部變成 lego 模型

好仔細呀!

喺參觀完展覽後,大家仲可以喺巨型 lego 牆上發揮創意,打造自己嘅作品。

大家仲可以喺巨型 lego 牆上發揮創意,打造自己嘅作品。

廣告
廣告

用完腦力,當然要食啲嘢補充吓喇!BRICK CAMPUS 設有主題餐廳同 gift shop,畀大家除咗可將心儀嘅 LEGO 帶返屋企外,仲可以食到充滿特色嘅手工漢堡!

BRICK CAMPUS 設有主題餐廳同 gift shop,畀大家除咗可將心儀嘅 LEGO 帶返屋企

2 X 2 嘅 Lego 造型漢堡包,有唔同顏色好可愛呀!而且餐廳中嘅食品模型都係用 lego 砌出嚟㗎,真係好有心思呀!

餐廳中嘅食品模型都係用 lego 砌出嚟㗎,真係好有心思呀!

2 X 2 嘅 Lego 造型漢堡包,有唔同顏色好可愛呀!

身為 Lego 迷嘅你哋又點可以錯過呢,快啲 mark 定遲啲去朝聖吓喇!

BRICK CAMPUS JEJU(브릭캠퍼스 제주)
官網:LINK
地址:濟州特別自治道 濟州市 1100路 3047(제주특별자치도 제주시 1100로 3047)
營業時間:11:00 ~ 18:00(最後入場時間:17:30)
入場費:15,000 won(約 HKD$97)(36個月以下兒童免費入場;65歲以上長者、殘疾人士等可享有7折優惠,需出示有關證明)
門票預訂:網上購買(NAVER預訂 / TICKETLINK
交通:乘搭巴士 240 / 465 / 466 ,於「BRICK CAMPUS站」(브릭캠퍼스)下車

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

Share to Facebook