前 2NE1 成員朴春激減 11kg！決心直言：唔會再變返以前咁！

前 2NE1 成員朴春去年現身韓國《第 56 屆大鐘獎電影節》紅地氈時身形暴脹被嘲似吹氣公仔而成為焦點，時隔 7 個月，朴春近日喺社交平台上傳對比照，開心表示自己減肥成功！

Photo from newharoobompark@IG

前 2NE1 成員朴春出道時身形苗條，五官精緻，有「韓國芭比」之稱，不過隨著禁藥風波及組合解散後，朴春有一段時間冇再出現喺幕前，直至 2019 年 3 月先至正式回歸樂壇。回歸樂壇後，朴春去年 6 月現身韓國《第 56 屆大鐘獎電影節》紅地氈時嘅面貌卻令人震驚，因為當時佢身形臃腫，甚至被嘲似吹氣公仔，一眾粉絲亦非常擔心佢嘅健康問題。但其實朴春身形暴脹並唔係嗰時嘅事，喺朴春參加女團競賽節目《Queendom》時，佢嘅身形已經明顯比 2NE1 時期臃腫。

Photo from newharoobompark@IG

Photo from newharoobompark@IG

Photo from Mnet K-POP@YouTube

時隔 7 個月後，近日朴春喺社交平台宣布自己減肥成功，由 70kg 減至 59kg，激減 11kg！同時更上傳當時《大鐘獎》紅地氈嘅照片及現時嘅照片，形成大對比，朴春表示：「去年《大鐘獎》時，我是這個樣子⋯⋯受到了衝擊所以開始減重，70kg 減掉 11kg，現在是 59kg！因為接受了 ADD（注意力缺失症）治療所服用的藥物，所以減重對我來說真的很辛苦，不過現在成功減重，真的很開心。現在減重了，藥也吃少了，變得健康了。我真的不會再變回以前那個模樣了！也請大家期待我的回歸吧！」

Photo from newharoobompark@IG

從照片中可見朴春真係瘦咗幾個 size，完全返番去以前 2NE1 時期嘅 fit 爆身形！一眾粉絲見到即刻大讚朴春好靚，希望佢一直健康。

Photo from juvis_incheon@IG

另外朴春亦透露自己正在準備回歸，相信粉絲們一定非常期待！

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）