ViuTV新劇《太平紋身店》必追！周秀娜+黃德斌主演 姜濤首演重要角色！

ViuTV繼《男排女將》後，2021年首部原創劇《太平紋身店》即將開播！周秀娜、黃德斌主演，「姜B」姜濤亦飾演關鍵人物，劇集以電影手法拍攝，講述江湖故事，大家又有新劇追喇！

ViuTV上年嘅原創劇《暖男爸爸》、《男排女將》都大獲好評，2021年首套推出嘅新作《太平紋身店》令人期待！

Photo from 《太平紋身店》

《太平紋身店》由「娜姐」周秀娜、黃德斌主演，兩人造型超有江湖味！黃德斌留鬚look完全係社團大佬，而娜姐左手花臂紋身亦令人眼前一亮。

Photo from 《太平紋身店》

Photo from 《太平紋身店》

周秀娜於劇中飾演紋身店老闆NaNa，有大量動作戲，更有一幕半裸紋身戲。

Photo from 《太平紋身店》

Photo from 《太平紋身店》

劇情講述太平街本來係一個黑白兩道都無人管嘅神秘地帶，入面自有一套法則去維持權力與利益關係，雖然表面太平，但內裡卻暗湧處處。周秀娜飾演嘅NaNa，想喺呢條街插旗開紋身店，開始發生唔同嘅事......

Photo from 《太平紋身店》

劇集雲集多位資深演員，包括張松枝、朱栢康、邵仲衡、吳綺莉等，另外仲有林德信、駱振偉、陸駿光、林耀聲參演。

Photo from 《太平紋身店》

Photo from 《太平紋身店》

「姜B」姜濤更會喺劇中擔任重要角色，佢飾演葉蓋天（黃德斌飾）嘅獨子天晴，而葉蓋天因為獨子離世嘅傷痛而訂下有關太平街嘅規矩。雖然姜B一開始就已死，但仍係關鍵人物，早前公開嘅劇照中，姜B憂鬱嘅眼神令人大感期待！

Photo from 《太平紋身店》

Photo from 《太平紋身店》

Photo from 《太平紋身店》

《太平紋身店》以電影手法拍攝，將於1月18日星期一晚21:30首播～

Photo from 《太平紋身店》

《太平紋身店》預告片：

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）