download HolidaySmart 假期日常 app
盤點 3 大韓星豪宅 Kai 屋企似迷宮?劉亞仁行到膝蓋痛!

盤點 3 大韓星豪宅 Kai 屋企似迷宮?劉亞仁行到膝蓋痛!

娛樂新聞
By Ella on 06 Jan 2021
Digital Content Writer

韓國好多藝人都會喺節目度公開自己嘅豪宅,又大又靚之餘,景觀都係不得之了。而 EXO 嘅成員 Kai、Super Junior 嘅隊長利特及演員劉亞仁嘅豪宅除咗大之餘仲好特別!

Kai

韓國人氣男團 EXO 嘅成員 Kai 早前曾出演韓國綜藝節目《我獨自生活》,首度公開自己嘅豪宅。身為當紅男團成員,Kai 嘅屋企當然有返咁上下,一入玄關,經過長長嘅走廊先到客廳,客廳擺咗一張 V 字型嘅巨型梳化,客廳後面就係燈光明亮嘅開放式廚房連飯廳,空間非常大。而成間屋最特別嘅地方就係 Kai 將啲門同牆壁合為一體,塗上白色,唔細心睇真係唔知啲門喺邊。

韓國人氣男團 EXO 嘅成員 Kai 早前曾出演韓國綜藝節目《我獨自生活》,首度公開自己嘅豪宅。Photo from MBCentertainment@YouTube

一入玄關,經過長長嘅走廊先到客廳,客廳擺咗一張 L 字型嘅巨型梳化。Photo from MBCentertainment@YouTube

推開客廳嘅門就到主人房,主人房另一邊嘅門通往衣帽間,Kai 屋企有兩個衣帽間,大間嘅放上衣、飾物及外套,細間嘅放褲及袋。

推開客廳嘅門就到主人房,主人房另一邊嘅門通往衣帽間。Photo from MBCentertainment@YouTube

Kai 有兩個衣帽間。Photo from MBCentertainment@YouTube

而衣帽間嘅門就通往書房,書房嘅另一道門一開就係去返客廳,行完成間屋就好似行咗一圈咁。Kai 表示自己好鍾意將啲嘢變成一體,所以間屋就好似秘密空間咁,所有房間都係連接住。

書房Photo from MBCentertainment@YouTube

劉亞仁

韓國演員劉亞仁同樣都曾出演《我獨自生活》,公開自己嘅三層獨立屋。一樓係客廳、飯廳及廚房,仲有一間透明嘅 Wine room 可以望到庭園景色,推開 Wine room 嘅門就係劉亞仁種植蔬菜嘅小庭園。

韓國演員劉亞仁同樣都曾出演《我獨自生活》,公開自己嘅三層獨立屋。Photo from 나혼자산다 STUDIO@YouTube

Photo from 나혼자산다 STUDIO@YouTube

一樓係客廳、飯廳及廚房,仲有一間透明嘅 Wine room 可以望到庭園景色。Photo from 나혼자산다 STUDIO@YouTube

二樓係工作室、衣帽間,仲有貓貓專用嘅廁所。三樓係主人房、廁所及另一個衣帽間,推開廁所嘅另一邊門仲可以直上天台。

二樓係工作室、衣帽間,仲有貓貓專用嘅廁所。Photo from 나혼자산다 STUDIO@YouTube

劉亞仁間屋實在係太大,仲要係 3 層,成日行上行落,加上劉亞仁話自己成日大頭蝦唔記得啲嘢放咗喺邊,為咗搵嘢成日要 3 層樓來回行,佢仲搞笑話自己 5 年來行得太多樓梯行到個身好痛,膝蓋又痛,仲話自己曾經試過滑落樓梯受傷。

三樓係主人房、廁所及另一個衣帽間。Photo from 나혼자산다 STUDIO@YouTube

利特

相比起 Kai 及劉亞仁嘅豪宅,Super Junior 隊長利特嘅豪宅就比較「正常」,玄關一入去就係客廳、開放式廚房連飯廳,客廳設有弧形落地玻璃窗,可以飽覽漢江美景。另外,單位有 3 間房及 2 個廁所,每間房都可以望到漢江景色。

相比起 Kai 及劉亞仁嘅豪宅,Super Junior 隊長利特嘅豪宅就比較「正常」。Photo from MBN Entertainment@YouTube

玄關一入去就係客廳、開放式廚房連飯廳,客廳設有弧形落地玻璃窗,可以飽覽漢江美景。Photo from MBN Entertainment@YouTube

或者利特屋企唔夠劉亞仁及 Kai 嘅屋企大,不過樓價及景觀就絕對唔係講笑。利特居住嘅屋苑係韓國著名嘅高級屋苑,屋苑設備完善,有健身室、Spa 及 Cafe 等設施,仲可以提供埋酒店式早餐服務。單位保證金要 1 億韓幣,租金係 1,100 萬韓幣,管理費都要 71 萬韓幣,而成個單位價值約 43 億 8 千萬韓幣。

單位有 3 間房及 2 個廁所,每間房都可以望到漢江景色。Photo from Mnet K-POP@YouTube

利特屋企真係好別緻,而且個景觀真係好靚!

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel