自發無間斷運動挑戰搣肚腩！方力申自爆肥仔醜照被 Like 爆讚
日前政府就宣布將抗疫措施再延長 14 日至 1 月 20 日，而喺抗疫措施下健身室暫停開放，令唔少人運動量大減，身型走樣體重急升，就連身為運動健將嘅藝人方力申都唔例外，佢仲喺 IG 上傳自己成功挑戰環島泳後，因抗疫疲勞而腹肌變成肚腩嘅肥仔照，並止佢喺朋友嘅促使下發起 30 日無間斷做運動嘅挑戰，展開「抗疫大大力」嘅旅程！
一向畀人陽光感覺嘅方力申去年年初時就成功喺香港挑戰環島泳，一口氣游足十個鐘，但估唔到佢喺挑戰後，卻因為抗疫疲勞而令他嘅腹肌變成肚腩。
Photo from 方力申/IG
依日佢就喺其 IG 上傳自己操 fit 前嘅肥仔相，相中見佢面圓圓兼有2摺肚腩，都幾肥美吓喎！同依家嘅爆肌狀態真係相差甚遠呀～
Photo from 方力申/IG
佢留言指去年因好友突然提議趁抗疫期間改變自己，發起 30 日無間斷做運動嘅挑戰，亦令佢開始「抗疫大大力」嘅旅程，而練成一身結實肌肉嘅佢指：「我們相信，抗疫最終會完結，可是大大力的精神則可永遠長存，希望所有人當面對着充滿變數的2021年，或許會再遇上逆境的時候，還記得這份堅持，時常抱着正面樂觀的態度，勇於面對困難。」
Photo from 方力申/IG
雖然依個挑戰嘅日數本身只係連續做 30 天運動，不過小方就自發咁延長挑戰，堅持咗足足 212 日呀，認真厲害！
Photo from 方力申/IG
睇番佢減肥成功嘅相，見佢肚腩完全消失，手臂有返線條，連包包面都冇埋，真係 fit 到爆㗎～
難怪一班網民 like 爆之外，仲大讚佢夠勇，將自己減肥前嘅相擺喺第一張。更有網友讚佢減肥前掩飾得好好，完全睇唔出原來佢當時有肥呀！
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
