研究：望靚仔可增強記憶力！想提升工作效率？喺枱面擺張男神相先！

望人嘅第一印象多數都係「睇樣先」，原來望靚仔靚女有好處！研究顯示唔止可以增強記憶力，仲可以提升工作效率添！以後將電話wallpaper換成男神、女神嘅相，實日日都精神啲！

美國East Carolina University之前進行過2項實驗，證實望靚仔、靚女，可以增強記憶力！

Photo from 姜濤IG

首先有58位大學生參與第一項實驗，佢哋分成兩組，一組睇外貌比較優越嘅異性，另一組就望普通長相嘅男女照片。

Photo from 張曦雯IG

結果發現睇咁靚仔靚女嗰組嘅大學生記憶力比另一組好。

第二項實驗則有123人參與，今次將實驗對象分為3組，每組睇靚仔靚女相片、普通男女照片同埋聽故事嘅順序有啲分別。

Photo from Pinterest

第一組先睇咗靚仔靚女嘅相，之後聽故事，最後先望普通男女嘅照片；第二組就先望咗普通男女嘅照片，然後聽故事，最後望靚仔靚女；第三組喺聽故事之前同之後都係望普通男女嘅相。

Photo from BLACKPINK Jisoo IG

結果發現，睇咗靚仔靚女相先聽故事嘅實驗對象，記得嘅故事細節比較多同更仔細。

Photo from Pinterest

研究人員認為靚仔靚女可以觸發人類嘅「目標感」，產生動力，短暫增加大腦嘅記憶力。

Photo from Pinterest

不過就算唔會增強記憶力，睇下靚仔靚女，心情都會好啲啦！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）