內地麥當勞全新虛擬形象大使「開心姐姐」　網民：麥當勞叔叔都要失業了嘛？

麥當勞叔叔失業？內地麥當勞推出全新虛擬形象大使「開心姐姐」，標榜係唱跳全能嘅 Idol，不過網民似乎唔太鍾意，仲瘋狂幫「開心姐姐」改名！

麥當勞叔叔伴隨住好多人成長，亦係麥當勞嘅 Icon，不過近日內地麥當勞就推出咗全新嘅虛擬形象大使「開心姐姐」，以全能唱跳偶像為人設，仲可以教小朋友跳舞、講故事。

Photo from 麥當勞微博

Photo from 麥當勞微博

內地麥當勞釋出咗「開心姐姐」嘅資料，「開心姐姐」1 月 1 日生日，摩羯座，鍾意麥當勞黃色及開心姐姐粉色，個人特色係唱跳 Idol、故事達人及孩子王。而「開心姐姐」嘅暱稱就可以由大家自己決定。「開心姐姐」身穿粉紅色上衣、灰色短裙，紮住馬尾，就好似虛擬偶像咁。

Photo from 內地麥當勞官網

Photo from 麥當勞微博

「開心姐姐」仲可以教小朋友跳舞，只需要喺「i 麥當勞」小程序上搵到「開心姐姐」，就會有跳舞教學，仲可以為小朋友嘅舞蹈打分。除咗跳舞，連講故事都得。

Photo from 麥當勞微博

Photo from 麥當勞微博

Photo from 麥當勞微博

Photo from 麥當勞微博

至於「開心姐姐」嘅名字，麥當勞就開放畀公眾投票，選項分別有「金小兮」、「金開心」及「樂小悠」，目前以「金開心」最為熱門。

Photo from 麥當勞微博

不過一眾網民就幫「開心姐姐」瘋狂改名，好多網民表示應該叫「麥當娜」，更有網民提議叫「金拱姬」、「麥香姬」及「麥當姥」等，非常搞笑！

Photo from 麥當勞微博

Photo from 麥當勞微博

Photo from 麥當勞微博

Photo from 麥當勞微博

但係亦有網民唔太鍾意「開心姐姐」，覺得麥當勞叔叔已經好好，「麥當勞叔叔就不行了？非要弄這樣嗎？毫無特色可言」、「麥當勞叔叔都要失業了嘛？」

Photo from 麥當勞微博

Photo from 麥當勞微博

Photo from 麥當勞微博

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）