阿Bob再傳授發達秘訣！每日必講依段說話就得？！

藝人阿 Bob（林盛斌）撈咗咁多年撈到風生水起大家都有目共睹。雖然賺大錢但佢都冇唔記得大家，經常喺社交平台度同大家分享佢嘅發達心得，繼上次分享咗佢每朝起身都會同自己講「今日，將會係好美好嘅一日，會有好多好好嘅事發生喺我身上！」之後，佢今次又同大家開心 share ，原來仲有一段說話佢係會日日同自己講㗎！

阿 Bob 早前就分享過話佢自己每朝起身有一樣嘢一定會做嘅！就係要同自己講：「今日，將會係好美好嘅一日，會有好多好好嘅事發生喺我身上！」喺佢同一眾網民分享完之段，真係有唔少人 Inbox 佢，話試咗一段時間之後，覺得真係有啲用咁話喎！

Photo from 林盛斌 Official Facebook

收到依啲好消息，阿 Bob 當然高興啦！今日又同大家透露，其實除咗依段，仲有第二段佢都會日日同自己講㗎，甚至乎重要到要寫喺張紙上面，黐喺掛牆板度日日望住。之後怪事就頻生，令佢接觸到越嚟越多嘅工作機會，亦都拓展咗唔同領域嘅生意業務！

Photo from 林盛斌 Official Facebook

依大半年因為疫情影響，不論老闆定打工仔都好唔好受，阿 Bob 亦唔例外！但佢就話因為依段說話，令佢多咗唔同方法去得到收入，雖然就一定冇疫情前咁多，但至少唔會令到佢手停口停，陷入困境，而佢都好肯定依幾個被動收入來源，長遠去睇只會越嚟越勁，越嚟越多咁話喎！

而依段說話就係：「有好多好多錢，透過多個途徑，以遞增嘅方式，源源不斷咁湧向我，我覺得好開心，好感恩！」

Photo from 林盛斌 Official Facebook

阿 Bob 話佢就係靠依段說話致富捱過依段日子㗎啦！佢仲提醒廣大網民：「一定唔可以只靠單一收入去支撐生活，依個世界冇一份工作係可以喺任何時候都必然照顧、支撐到你嘅。一定要善用自己嘅人際關係、知識同埋人脈，令到自己有更多嘅收入來源呀！

Photo from 林盛斌 Official Facebook

阿 Bob 果然有自己嘅賺錢大計！其實之前佢已經同大家分享過佢覺得用名牌子嘅長銀包可以幫手招財㗎啦！佢仲叮囑網民記得個長銀包要係對摺嘅，紙幣要溫柔且順面額咁放入去，唔好擺單據同散銀喺入面！出完個 Post 之後都有唔少人表示長銀包招財真係有用咁話喎！唔知阿 Bob 今次嘅分享又幫唔幫到大家呢？

Photo from 林盛斌 Official Facebook

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）