陳自瑤台下擁抱王浩信　兩人前後腳回家係因為呢個原因？

《萬千星輝頒獎典禮 2020》完滿結束，王浩信憑《踩過界 II》再度奪得視帝，喺台上公開多謝老婆陳自瑤，Yoyo 台下無表情，但台上擁抱王浩信表示恭喜。典禮後兩人前後腳回家，原來係因為呢個原因？

王浩信憑《踩過界 II》再度登上視帝寶座，佢喺台上發表感言時公開多謝老婆 Yoyo 陳自瑤，指佢悉心照顧女兒，不過當鏡頭影落 Yoyo 度時，Yoyo 面無表情，呢個鏡頭一出街，網民紛紛猜測二人嘅婚姻關係，指二人貌合神離。

Photo from 《萬千星輝頒獎典禮 2020》

Photo from vincentwong07@IG

雖然 Yoyo 台下反應冷淡，但典禮完結後喺台上主動擁抱丈夫王浩信，以示恭喜。陳自瑤其後接受傳媒訪問時表示自己只係感到愕然而分心，典禮後兩人更前後腳回家。

Photo from 《萬千星輝頒獎典禮 2020》

Photo from chenchiyiu@IG

當以為事情已經告一段落，然而陳自瑤竟然深夜發文，疑似回應王浩信？

Photo from chenchiyiu@IG

陳自瑤喺限時動態寫道：「回家還要替小寶貝準備明天功課，事業家庭兩兼顧，真的不容易！但我會盡力做到最好！Good night！」而照片中就有女兒寫上「Please print worksheets and timetable. Thank you 」嘅備忘。

Photo from chenchiyiu@IG

Yoyo 的確非常悉心照料女兒，真係辛苦了！

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）