download HolidaySmart 假期日常 app
哈利波特迷必去!台南新景點「魔法工廠」宛如置身霍格華茲

哈利波特迷必去!台南新景點「魔法工廠」宛如置身霍格華茲

旅遊攻略
By Ella on 12 Jan 2021
Digital Content Writer

哈利波特迷注意!台南十鼓仁糖文創園區嘅新景點「魔法工廠」裝潢設計超有霍格華茲味道,彷如置身電影之中,絕對係打卡必到!下次去台灣旅行可以去打卡影靚相啦!

十鼓仁糖文創園區位於台南郊區,園區前身係 1909 年創立嘅「車路墘製糖所」,經過時代變遷,廠區部分倉庫出租畀十鼓文創股份有限公司,成為依家嘅十鼓仁糖文創園區。而十鼓仁糖文創園區係亞洲第一座以鼓樂為主題嘅國際藝術村。

十鼓仁糖文創園區係亞洲第一座以鼓樂為主題嘅國際藝術村。Photo from 十鼓仁糖文創園區

園區嘅設施多達 20 幾種,包括戶外射箭場、煙囪滑梯、撐篙划船及抱石橫渡攀岩場等,仲有一啲劇場表演可以觀看。

園區嘅設施多達 20 幾種,包括戶外射箭場、煙囪滑梯、撐篙划船及抱石橫渡攀岩場等。Photo from 十鼓仁糖文創園區

Photo from 十鼓仁糖文創園區

而園區最新開放嘅景點就係「魔法工廠」啦,「魔法工廠」嘅設計超級魔幻,一踏進廠區就好似進入《哈利波特》嘅霍格華茲咁,彷如置身電影之中。

而園區最新開放嘅景點就係「魔法工廠」啦!Photo from 十鼓仁糖文創園區@Facebook

「魔法工廠」嘅設計超級魔幻,一踏進廠區就好似進入《哈利波特》嘅霍格華茲咁,彷如置身電影之中。Photo from 十鼓仁糖文創園區@Facebook

牆壁嘅書櫃擺滿數百本書籍,一抬頭就見到識飛嘅書,仲有飛天掃把,好似進入魔幻世界咁。

一抬頭就見到識飛嘅書。Photo from 十鼓仁糖文創園區@Facebook

仲有飛天掃把,好似進入魔幻世界咁。Photo from 十鼓仁糖文創園區@Facebook

Photo from 十鼓仁糖文創園區@Facebook

除咗書本、掃把,仲有一個大壁爐,充滿復古味道。

Photo from 十鼓仁糖文創園區@Facebook

「魔法工廠」每一個擺設都超有心思,貓頭鷹、藥罐及油燈等都係滿滿嘅魔幻風格。

「魔法工廠」每一個擺設都超有心思。Photo from 十鼓仁糖文創園區@Facebook

Photo from 十鼓仁糖文創園區@Facebook

另外仲設有景觀窗,自然光線照射入嚟除咗增添奇幻感覺之外,更係影靚相嘅打卡位!

另外仲設有景觀窗,絕對係打卡靚位!Photo from 十鼓仁糖文創園區@Facebook

哈利波特迷千萬唔好錯過啊!有興趣嘅可以 bookmark 定,等疫情過後就可以去瘋狂打卡啦!

十鼓仁糖文創園區
地址:台南市仁德區文華路二段 326 號
開放時間:週二至週五 09:30-20:00;週六、日、一 09:30-20:30(17:00-18:00 不開放)

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel