Telegram始創人原來係大隻型男！身家達$27億美金！曾將鈔票摺紙飛機撒出窗外

Telegram始創人Pavel Durov（帕沃爾．杜羅夫）雖然只有36歲，但身家高達$27億美金！佢年紀輕輕兩次創業都大獲成功，即使受到權力施壓仍堅持原則，而且外型帥氣身材健碩，絕對係男神中嘅男神！

近日WhatsApp私隱條例更新令大眾紛紛轉用Singal、Telegram等安全、私密性較好嘅通訊App。

原來Telegram嘅始創人非常年輕有為，外表更相當帥氣英俊！

Telegram始創人Pavel Durov（帕沃爾．杜羅夫）係俄羅斯人，今年得36歲，佢年紀輕輕但人生經歷豐富，過程更可以拍電影！

佢曾經兩次創業，兩次都只用一年，旗下用戶就突破千萬，佢喺2006年創立俄羅斯社交網站「VKontakte」，網站喺俄羅斯影響力龐大，開始受到權力人士嘅施壓，甚至被收購約39.99%嘅股份，意圖吞併VKontakte。

雖然Durov一直反抗，但可惜最終仍被逼出售12%股份，令VKontakte正式國有化。但Durov未有氣餒，佢堅持自己保障通訊私隱嘅理念，好快就再創立「Telegram」。

依家Telegram成為最熱門嘅通訊App之一，用戶有近5億！據估計，Durov身家高達$27億美元！

Durov亦都係一個好有個性嘅人，佢曾經將鈔票摺成紙飛機，從辦公室飛出窗外。Durov有錢又有樣！佢外表英俊，佢身材都好fit，網絡上有佢露出上身嘅相片，完美演繹「穿衣顯瘦，脫衣有肉」！

Durvo絕對係一個「高富帥」！堅持原則不畏強權，難怪會成為好多人心目中嘅男神！

Durov將鈔票摺成紙飛機片段：

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）