台中秘境隧道「大安溪鐵橋」超美光影 隨手可以拍出浪漫呃 like 打卡靚相!

台中秘境隧道「大安溪鐵橋」超美光影 隨手可以拍出浪漫呃 like 打卡靚相!

ByCelia on 12 Jan 2021

台中對唔少人嚟講一啲都唔陌生,但依個打卡秘境唔知大家又有冇去過呢?!喺台中后里同苗栗三義交界嘅大安溪鐵橋最近成為情侶影浪漫靚相嘅隱藏版打卡熱點,下次去台中可以去打卡影吓靚相啦!

位於台中嘅后里與苗栗三義交界嘅「大安溪鐵橋及七號隧道」,大安溪鐵橋係日治時期南北間運送物產、聯絡交通嘅重要橋樑嚟。

鐵橋保留咗濃厚日式建築風格,喺 20 多年前就已經停用,後嚟成為咗苗栗縣、台中嘅古蹟,而且仲係台灣首個跨縣市共同公告指定嘅文化資產。

不過依家大安溪鐵橋嘅台中后里段入口因為安全考量問題而封閉,大家只可以從苗栗三義嗰邊過去。

大家可以從苗栗三義經「七號隧道」到達大安溪鐵橋,而唔少人都會喺「七號隧道」嘅洞口往外拍,以「大安溪鐵橋」作為背景,鐵橋嘅工業風格,花樑鋼橋造型加上隧道口藍天白雲嘅天然光影,真係隨手影都超靚呀!

廣告
廣告

當然你想行上鐵橋影相都可以,但有一點大家必須要注意就喺鐵橋嘅兩邊係冇圍欄嘅,所以喺上面影相就記得要格外小心。

而唔少人更會利用隧道比較暗嘅元素,影出剪影嘅效果,搭配埋驚豔嘅背景,超靚呀!

難怪會吸引咗唔少情侶特意嚟依度同另一半影紀念相,真係點影都可以影出浪漫無比嘅呃 like 打卡相啊!

有興趣嘅大家可以 bookmark 定,等疫情過後就可以去瘋狂打卡啦!

【舊山線大安溪鐵橋】
地點:台中市后里區、苗栗縣三義鄉(橫跨大安溪)

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

HolidaySmart 假期日常長期歡迎大家投稿~我哋會為你開一個個人帳戶作發表文章之用。文章類型包括美食、旅遊、玩樂等同HolidaySmart 假期日常相關既事物~投稿可以傳送到 holiday@presslogic.com比小編檢查一下先,記住要附上100字內自我簡介。 另外文章一經採用,編輯將會進行潤飾。期待你哋既大作啊!
👉🏻 即刻Follow我哋Instagram holidaysmart.hk
Share to Facebook