《東張西望》主持黎寬怡為合照撇甩白彪被批失禮 親自解釋：可能造成誤會

《東張西望》女主持黎寬怡日前喺《萬千星輝頒獎典禮2020》上訪問白彪後極速撇低對方跑走去影大合照，被轟唔尊重前輩，佢事後喺IG以長文解釋事件稱可能造成咗誤會。

《東張西望》主持黎寬怡今年26歲，佢日前喺《萬千星輝頒獎典禮2020》上訪問「最佳男配角」得主白彪，點知訪問完咗之後，佢「9秒9」極速跑走，衝去同一眾《東張西望》主持影大合照。

Photo from 黎寬怡IG

最尷尬嘅係「被撇甩」嘅白彪似乎受黎寬怡影響，跟住佢跑埋一份，要工作人員大叫「彪哥」先帶白彪離開後台。

Photo from 黎寬怡IG

黎寬怡喺《東張西望》都留下唔少「經典場面」，例如喺訪問《大帥哥》一眾演員時竟失控落淚，仲要張衛健安慰返佢：「你做得好好啦！」

Photo from TVB

Photo from TVB

之後訪問馬德鐘、黃宗澤、吳卓羲、胡定欣時又再度失控爆喊，令吳卓羲等人非常尷尬，觀眾都認得佢每次都喊，留言直指佢啲反應誇張：「再喊真係做多左」

Photo from TVB

Photo from TVB

而今次黎寬怡無喊但就被批失禮、唔尊重前輩，佢喺IG post長文解釋事件，稱知道有關報道令佢「真的感到非常吃驚」

Photo from 黎寬怡IG

佢表示：「其實當時跟白彪哥的訪問已經完成，而我們都跟有他說謝謝以表明我哋已經完成訪問了。然後，我們東張西望同事才叫我上台拍照。可能直播期間，我的聲線比較輕而做成今次一個誤會??」

黎寬怡指經過今次後會吸取經驗：「以後我多加留意，會做得更好！我亦明白自己有好多不足之處，我會繼續努力學習、努力改進。在此好多謝大家的意見同支持，我都會一一接受和改進。希望有一天可以成為大家喜歡的主持❤️」

在 Instagram 查看這則貼文

貓仔 Kitty 黎寬怡（@cat_kittylai）分享的貼文

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）