江嘉敏入行第一個廣告係成人用品廣告！對手竟然係呢位男星！

江嘉敏早前作客由方紹聰（奶仔）主持嘅戶外節目《野外步出》，大談自己初出道時嘅經歷。佢仲大爆自己入行第一個廣告係成人用品廣告，而且媽媽到依家都唔知佢拍過呢個廣告！

江嘉敏 2017 年主演劇集《親親我好媽》正式喺 TVB 出道，當時初出道憑清純學生妹形象上位，受網民追捧。不過之後佢接拍嘅角色都比較多元化，唔再係學生妹角色。

Photo from kaman_kong@IG

Photo from kaman_kong@IG

但其實加入 TVB 之前，江嘉敏係由模特兒入行，早前佢作客由方紹聰主持嘅戶外節目《野外步出》，大談自己初出道時嘅經歷。

Photo from 《野外步出》

Photo from 《野外步出》

喺節目中，方紹聰問江嘉敏入行後第一個工作係咩，江嘉敏就大爆自己第一個工作係拍攝成人用品廣告，仲大爆直至依家媽媽都唔知佢拍過呢個廣告！

Photo from 《野外步出》

原來當年江嘉敏拍攝嘅成人用品廣告係同何潤東拍攝，第一次拍廣告已經係同何潤東合作，相信對江嘉敏嚟講都係一個唔錯嘅經驗。

喺廣告中江嘉敏有三個唔同嘅造型，清純、性感及高貴，雖然當時佢年紀輕輕，不過都演繹到三種唔同嘅感覺。

呢個廣告雖然係成人用品廣告，不過並冇一啲親熱鏡頭，淨係有少少身體接觸及擁抱鏡頭。

小編睇返個廣告先醒起以前真係好似有喺電視見過呢個廣告～

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）