《爸爸去哪兒》第一季天天長大了！遺傳長腿基因！14歲讀中一身高逼近183cm

《爸爸去哪兒》第一季男模張亮同仔仔張悅軒（天天）出演後人氣急升，近日天天久違亮相大陸節目，今年14歲嘅佢遺傳咗爸爸長腿基因，讀中一身高已接近183cm！一眾網民感歎天天已經大個仔～

大陸版《爸爸去哪兒》第一季邀請咗奧運冠軍田亮同女兒Cindy、歌手林志穎同仔仔Kimi等做嘉賓，節目播出後大受歡迎，各位爸爸連同一班小朋友經常上熱搜。

Photo from 《爸爸去哪兒》微博

其中大陸男模張亮本來喺一眾出演嘉賓中知名度唔算高，但同仔仔張悅軒（天天）參加節目後人氣急升，即使節目完結仍有好多網民相當關注佢哋。

Photo from 《爸爸去哪兒》微博

近日天天參加綜藝節目《天天向上》擔任滑雪小導師，久違出演幕前嘅天天旋即受到關注，更登上熱搜榜。

Photo from 張亮工作室微博

天天自我介紹時指自己今年14歲，讀緊中一。主持人大張偉忍唔住話：「初一就這麼高了？這要到我們這歲數，還不得頂房上？」

Photo from 張亮工作室微博

Photo from 張亮工作室微博

天天雖然無提到實際身高，但佢企喺有183cm高嘅主持人錢楓旁邊，身高僅差少少。「天天身高快趕上錢楓了」話題隨即登上熱搜。

Photo from 張亮工作室微博

Photo from 張亮工作室微博

網友紛紛感歎時間過得太快，天天遺傳爸爸長腿基因，已經大個仔了～

Photo from 《爸爸去哪兒》微博

Photo from 張悅軒微博

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）