海洋公園部分區域免費開放！山上園區將收費舊機動設施退休！外判經營新設施

海洋公園獲政府制定「重生方案」，商務及經濟發展局局長邱騰華、海洋公園公司董事局主席劉鳴煒今日出席記者會交待海洋公園未來路向，公園部分區域（下園區）將會免費開放，部分園區設施外判。

海洋公面對財困，雖然獲政府撥款54億助其繼續營運，但係仍要研究日後轉型、發展方向。

早前有消息指政府建議海洋公園將改變收費模式，喺未來3年將會改為免費入場，機動遊戲則逐一收費，並會由商戶經營場地內設施，海洋公園再抽取營業額嘅部分收益。

亦有傳園內設施開始老化，例如摩天輪、跳樓機、滑浪飛船等7項較舊機動設施將會喺2、3年內「退役」，將會招標邀請其他商戶營運更多種類嘅機動設施。

商務及經濟發展局局長邱騰華、海洋公園公司董事局主席劉鳴煒今日出席記者會，交待海洋公園未來路向，指海洋公園唔再係「主題公園」：

1. 部分區域（下園區）免費開放

山下園區可免費入場，除咗原有熊貓館等設施，其他餐飲、零售、消閒區會同其他人合作。山上園區會以電子手帶、QR code等收費。較舊機動設施將會退休，由第三者經營新嘅設施。

2. 改變營運，部分園區設施外判

3. 教育、保育（保護動物）將繼續投放

4. 發展將著重整個南區，發展水上旅遊

5. 水上樂園爭取喺今年夏天開放

政府支援：

1. 免除債務負擔，減免債務利息開支，拉長還款期

2. 教育、保育方面提供有時限式支援

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）