冬天保暖必學貼暖包正確位置！貼呢三個位最有用！

近日香港氣溫驟降，天氣凍冰冰，除咗要著多幾件衫之外，唔少人都會貼暖包保暖，雙管齊下。但原來並唔係個個人都識得正確使用暖包，要令暖包變熱唔應該用搓？！暖包貼咩位置最有用？今次公開貼暖包貼士，等大家過個暖笠笠嘅冬天。

暖包係冬天必備嘅禦寒物品，唔少人為咗唔使包到成隻粽咁都會貼個暖包，可以保暖之餘又可以著少件衫。暖包人人都會用，但並唔係個個都識用，早前台灣新聞就教導民眾點樣正確使用暖包，到底點樣做暖包先會快啲變熱？

Photo from 《東森財經新聞》

好多人一拎到暖包之後第一件事就係不停搓，希望快啲令暖包變熱，但原來呢個方法係錯㗎！要令暖包快啲變熱唔應該用「搓」，而係「吹」，因為暖包嘅成分中含有鹽，因此向暖包吹一啲水氣可以加速與鹽作用，令鹽及鐵氧化。實驗顯示，搓暖包 3 分鐘，可以令暖包由 22 度上升至 30.9 度，但向暖包吹氣 1 分鐘就可以令暖包由 22 度上升至 38.5度。

Photo from 《東森財經新聞》

Photo from 《東森財經新聞》

咁暖包到底要貼咩位置先至最有用呢？原來貼呢 3 個位置就最保暖！首先係頸正下方凸出嘅位置，呢個位置叫「大椎穴」。第二個地方就係肚臍上方嘅「氣海穴」，貼呢到都可以促進血液循環。

Photo from 《東森財經新聞》

Photo from 《東森財經新聞》

除咗「大椎穴」及「氣海穴」呢兩個穴位之外，仲有一個地方都係貼暖包嘅首選位置！腰部嘅腎俞穴、志室穴及命門穴都係貼暖包嘅最佳位置，因為呢個位置就係生命之源，將暖包貼喺呢到就可以帶動身體嘅五臟六腑。

Photo from 《東森財經新聞》

Photo from 《東森財經新聞》

真係長知識，大家之後用暖包嗰陣就要留意啦～

資料來源：東森財經新聞

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）