download HolidaySmart 假期日常 app
波蘭神秘「彎曲森林」逾百棵「反問號」松樹 彎度剛好瞓得落一個人?

波蘭神秘「彎曲森林」逾百棵「反問號」松樹 彎度剛好瞓得落一個人?

旅遊攻略
By Celia on 20 Jan 2021
Digital Editor

樹 - 大部分畀人嘅識知一直都係直直咁向上生長嘅,除非喺佢哋嘅生長過程中人為咁令佢哋生長成其他形狀,只有少數嘅品種天生比較特別。而喺波蘭就有一片長有約 400 棵松樹嘅森林,每一棵松樹都呈現出詭異嘅彎曲,其彎曲方向仲係一樣嘅,就好似有專登咁做一樣。

依片位於波蘭西部 Szczecin 附近小鎮 Dolna Odra 嘅森林 Krzywy Las (彎曲森林),據知松樹大多都係 20 世紀 30 年代所種植,佢哋幾乎都係一長出地而就開始彎曲沿著地面生長,而且彎嘅方向都係北方,而著地面生長大約 7-10 年後才會慢慢再往上延伸。

pinterestPhoto from pinterest

另外,依片森林仲有一個奇怪之處,就係森林四周嘅樹,除咗林中約 400 棵松樹之外,其他樹都係直嘅,所以形成依個咗奇特嘅現象。

pinterestPhoto from pinterest

但到底係點形成嘅呢?人為?土地問題?

pinterestPhoto from pinterest

依個答案一直都冇人可以解開,曾經有人推測松樹係喺二戰期間被坦克壓彎或者係當時長時間被積雪壓彎嘅,而依兩個說法係最多人廣傳嘅說法嚟。因為根據樹齡嚟睇,喺時間同環境係可以對應嘅,所以佢哋就認為松樹喺仲喺幼樹時被坦克碾過,然後徹底改變咗佢哋嘅成長軌跡。

pinterestPhoto from pinterest

但依兩個說法都解釋唔到點解周圍嘅樹木冇受影響,而且喺被壓後仲可以存活,所以到底點解會生成咗到依家都係一個迷嚟

pinterestPhoto from pinterest

當然亦會有人將依啲情況同外星人連上關係,說好似麥田圈咁,覺得依啲都係外星人做出嚟嘅。

pinterestPhoto from pinterest

不過點到好,真正嘅原因到底係咩總會有人解開嘅,依家就好好保護依個咁特別嘅地方。

等可以飛嘅時候去打吓卡,一睹依個彎曲森林嘅神秘面紗喇!

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel