download HolidaySmart 假期日常 app
《蠟筆小新》致敬《愛的迫降》 小愛小新重演降落傘邂逅一幕

《蠟筆小新》致敬《愛的迫降》 小愛小新重演降落傘邂逅一幕

生活熱話 電視電影
By Ella on 19 Jan 2021
Digital Content Writer

玄彬孫藝真主演嘅韓劇《愛的迫降》係上年嘅神劇,而兩人成為今年嘅「元旦情侶」,令劇集再次受到關注,不過似乎呢股熱潮燒到去日本,因為喺《蠟筆小新》入面竟然出現《愛的迫降》嘅經典橋段!

玄彬與孫藝真喺 1 月 1 日被韓媒爆出正在熱戀,其後兩人承認戀情,孫藝真更罕有地喺 IG 發文甜蜜回應,兩人成為 2021 年嘅「元旦情侶」,而《愛的迫降》就成為咗兩人嘅定情作,再次受到關注。

玄彬與孫藝真喺 1 月 1 日被韓媒爆出正在熱戀,其後兩人承認戀情,成為「元旦情侶」!Photo from yejinhand@IG

Photo from yejinhand@IG

《愛的迫降》熱潮蔓延全亞洲,日本當然都唔例外,不過似乎連《蠟筆小新》嘅編劇都係劇迷,因為喺《蠟筆小新》近期嘅一集中竟然出現《愛的迫降》嘅經典橋段,呢個經典橋段就係令人非常心動嘅「降落傘邂逅」!

喺《愛的迫降》中「尹世理」(孫藝真 飾)因為玩降落傘時遇上意外而誤墮北韓,遇上北韓軍官「利政赫」(玄彬 飾),兩人展開一段浪漫嘅南北韓禁忌之戀,而「降落傘邂逅」呢一幕亦成為劇集嘅名場面。

Photo from 《愛的迫降》

喺《愛的迫降》中「尹世理」(孫藝真 飾)因為玩降落傘時遇上意外而誤墮北韓,遇上北韓軍官「利政赫」(玄彬 飾)。Photo from 《愛的迫降》

兩人展開一段浪漫嘅南北韓禁忌之戀。Photo from 《愛的迫降》

喺《蠟筆小新》中「小愛的迫降」一集中就重演咗呢一幕「降落傘邂逅」,千金小姐小愛因為唔想去上密密麻麻嘅補習班而逃走,按一個掣就將安全座椅變成降落傘,連人帶椅飛走,不過途中卻遇上大風而跌落樹上被困,後來被小新及正男遇見,小新接住咗從樹上跌下嘅小愛,上演咗一場英雄救美嘅戲碼,小新瞬間變成「利政赫」,小愛就變咗「尹世理」,致敬《愛的迫降》。

喺《蠟筆小新》中「小愛的迫降」一集中就重演咗呢一幕「降落傘邂逅」!Photo from 《蠟筆小新》

小愛嘅降落傘喺途中遇上大風而跌落樹上被困。Photo from 《蠟筆小新》

小新接住咗從樹上跌下嘅小愛,上演咗一場英雄救美嘅戲碼。Photo from 《蠟筆小新》

喺日本動畫度睇到韓劇情節真係好神奇,唔少韓國網民都覺得非常有趣,大讚搞笑之餘又好可愛~

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel