Coffee老公被指買唔起樓！霸氣回應：我鍾意自己賺錢自己洗！幸福到不得了
林芊妤（Coffee）做Youtuber教大家做瑜珈，事業發展越嚟越好，佢又不時喺IG大晒家庭樂，一家三口好幸福！早前有網民喺佢IG下留言嘲Coffee老公窮，Coffee即霸氣反擊指自己幸福到不得了！雖然對方已刪除留言，Coffee仍再post長文護夫，激讚丈夫有好多優點。
林芊妤（Coffee）Youtube Channel訂閱數頗高，做Youtuber做得有聲有色，又有賣衫，事業發展非常順利。
Photo from 林芊妤（Coffee）IG
Coffee家庭亦相當美滿，經常喺IG大晒同老公、仔仔「伯伯」嘅家庭照，一家三口好幸福！
Photo from 林芊妤（Coffee）IG
不過近日Coffee分享同仔仔嘅合照：「藍藍天空下，一邊擁抱工作一邊擁抱兒子?」有網民留言指Coffee老公買唔起樓：「咁又係，袋鼠佬咁窮，savanna都買唔起，女人最怕嫁錯郎。」
Photo from 林芊妤（Coffee）IG
Coffee即回覆呢位網民：「雖然佢唔係香港人無車無樓，但佢愛我呀又有穩定職業」又指同老公一齊日日只有開心笑，從來都無傷心過。更霸氣指：「我有手有腳鍾意自己賺錢自己洗，我選擇愛情因為我有能力自己買麵包，重點，我而家幸福到不得了」
Photo from 林芊妤（Coffee）IG
呢名網友隨後刪除咗留言，但Coffee表示對方經常搵啲無聊嘢留言，當Coffee回覆佢又多人like嘅時候，對方就會delete message。
Coffee不甘丈夫被詆毀，喺IG post長文護夫，大讚老公係佢最崇拜、最尊重、最信任嘅人：「是他的真誠他的單純可愛，令我像活在另一個世界一樣，也是他令我重新相信愛情」
Photo from 林芊妤（Coffee）IG
佢表示老公雖然唔係最有錢嘅人，但為屋企付咗最大責任，令佢可以毫無顧忌向前衝。Coffee又話老公每次喺佢難過失落時，都有方法令佢開懷：「他不像以往的男友永遠寵着我，但他教會了我獨立自主，他永遠也很堅持自己的想法，活得比誰都瀟灑自在，從來都不被其他人說話影響」
Photo from 林芊妤（Coffee）IG
Coffee勁讚老公係最好嘅爸爸，對住仔仔眼中係滿滿嘅父愛，佢冧爆向老公示愛：「能嫁給他是我最大的福氣，讓我再次選擇我還是會選他，因為沒有他就不會有今天的我」
Photo from 林芊妤（Coffee）IG
最後更霸氣指：「如果有任何人想誣蔑他，我會義無反顧的跟你對上☺️」成篇文超閃！胡杏兒都有留言：「So sweet ❤️」
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
