download HolidaySmart 假期日常 app
袁偉豪被指「醜男」晒下廚片段變唇紅齒白?仔樣!網民:濾鏡重手咗

袁偉豪被指「醜男」晒下廚片段變唇紅齒白?仔樣!網民:濾鏡重手咗

生活熱話 娛樂新聞
By Jennifer on 25 Jan 2021
Digital Editor

39歲袁偉豪早前出席《萬千星輝頒獎典禮2020》被網民開post指依家變咗做「醜男」,事後佢嬲爆post長文反擊。直言介意被嘲走樣嘅袁偉豪,最近喺IG post咗兩段片,大晒沖咖啡拉花同整綠茶心太軟,不過片中佢成個人「青靚白淨」咗好多,同之前判若兩人!

今年39歲嘅袁偉豪係參選《香港先生》奪冠入行,之前亦曾經參加過《Yes!》校草選舉,早前同老婆張寶兒出席《萬千星輝頒獎典禮》時,外貌卻成為焦點。

袁偉豪同老婆張寶兒出席《萬千星輝頒獎典禮》時,外貌卻成為焦點Photo from 袁偉豪IG

有網民直指佢「而家個樣直情可以用醜男嚟形容」,袁偉豪喺IG以長文回應:「我承認係有啲攰,因為我不想浪費這半天的數小時所以用去做運動,出來的效果並不是理想,冇辦法,是因為我不會浪費我人生上的每一個時刻,儘管你們覺得我是結婚後走樣,甚至乎醜男也好!感謝大家在(連登)特意地為我開一個話題,來為大家抒發一下你們的壓力」

有網民直指佢「而家個樣直情可以用醜男嚟形容」,袁偉豪喺IG以長文回應Photo from 袁偉豪IG

佢又表示每個人都會變老,能力越大責任越大,指自己努力拼搏,工作賺錢去照顧老婆、賺錢供樓,所以面容攰啲好正常,更嬲爆反擊:「請你地繼續去批評我,繼續話我食軟飯,繼續話我去做鴨,繼續話我一味靠黐,繼續話我做戲好屎,你們的負面批評只會讓我繼續努力去做好自己!」

袁偉豪嬲爆反擊:「請你地繼續去批評我,繼續話我食軟飯,繼續話我去做鴨,繼續話我一味靠黐,繼續話我做戲好屎,你們的負面批評只會讓我繼續努力去做好自己!」Photo from 袁偉豪IG

之後袁偉豪都直言網民對佢外貌嘅評價的確令佢情緒低落:「有時唔洗踩得咁盡」

袁偉豪都直言網民對佢外貌嘅評價的確令佢情緒低落Photo from 袁偉豪IG

最近佢喺IG post咗兩段片,沖咖啡拉花同整綠茶心太軟,由老婆張寶兒親自拍攝,不過片中袁偉豪皮膚白滑咗勁多,嘴唇紅紅似搽咗唇膏,成個人變到「青靚白淨」。

張寶兒親自拍攝袁偉豪整心太軟嘅過程Photo from 袁偉豪IG

片中袁偉豪皮膚白滑咗勁多,嘴唇紅紅似搽咗唇膏Photo from 袁偉豪IG

有網民話佢filter開得太勁:「用左濾鏡化妝咁」、「濾鏡重手咗」,張寶兒就回應指:「是我不夠耍家?請原諒」

有網民話佢filter開得太勁:「用左濾鏡化妝咁」、「濾鏡重手咗」,張寶兒就回應指:「是我不夠耍家?請原諒」Photo from 袁偉豪IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel